అల్లు అర్జున్ ‘సరైనోడు’ సినిమా బ్లాక్‌బస్టరా, హిట్టా? ఈ విషయంలో చాలా ఏళ్లుగా ఈ విషయంలో సోషల్ మీడియాలో చర్చ జరుగుతూనే ఉంది. ఎందుకంటే వసూళ్ల విషయంలో చాలా రకాల వార్తలు, పుకార్లు వచ్చాయి. ఆ విషయం ఇప్పుడు ఎందుకు చర్చకు వస్తోంది అనుకుంటున్నారా? ఎందుకు అంటే మళ్లీ ఈ కాంబినేషన్‌ గురించి వార్త బయటకు రావడమే. హిట్‌ కాంబోనో, బ్లాక్‌బస్టర్‌ కాంబోనో తెలియదు కానీ… ఈ కాంబో మళ్లీ వస్తోంది మరి.
ప్రముఖ నిర్మాత, అల్లు అర్జున్ సన్నిహితుడు బన్ని వాస్‌ ఇటీవల మీడియాతో మాట్లాడుతూ బన్ని – బోయపాటి సినిమా గురించి కూడా మాట్లాడారు. చాలా రోజులుగా ఈ సినిమా ఉంటుంది, ఉండబోతోంది అంటూ వార్తలు తెగ వచ్చాయి. ఇదే విషయాన్ని బన్ని వాస్‌ దగ్గర ప్రస్తావిస్తే ఆసక్తికర సమాధానం చెప్పారు. ‘స్కంద’ సినిమా ఫలితం చూసిన తర్వాత బన్నీ సినిమా ఉంటుందా లేదా అనే డౌట్‌ వచ్చింది. అయితే ఇప్పుడు బన్ని వాస్‌ క్లారిటీ ఇచ్చేశారు.
రామ్‌తో చేసిన ‘స్కంద’ సినిమా ఫలితం బోయపాటి శ్రీనివాస్‌కు ఇబ్బంది పెట్టింది. ఈ సినిమా తర్వాత ఏ సినిమా చేస్తారు అనే చర్చ మొదలైంది. కొంతమంది బాలకృష్ణతో సినిమా చేస్తారు అని అన్నారు. మరికొందరేమో గతంలో వార్తలు వచ్చిన బన్నీ సినిమా అని అన్నారు. అయితే బన్నీ ఓకే చేస్తే బోయపాటి సినిమా పక్కాగా ఉంటుంది అని బన్ని వాస్‌ చెప్పారు. ‘‘అల్లు అర్జున్ కోసం త్రివిక్రమ్ ఓ లైన్ రెడీ చేసి పెట్టారు. ‘గుంటూరు కారం’ సినిమా పూర్తయిన తర్వాత ఈ సినిమా ప్రీ ప్రొడక్షన్ స్టార్ట్ చేస్తారు’’ అని చెప్పారు.
అయితే త్రివిక్రమ్ సినిమా చాలా పెద్ద సినిమా అని, ప్రీప్రొడక్షన్‌కి ఏడాది పడుతుంది అని బన్ని వాస్‌ చెప్పారు. అయితే ఈ గ్యాప్‌లో బన్నీ మరో సినిమా చేయాలని అనుకుంటున్నారట. ఈ క్రమంలో బోయపాటి ఓ కథను సిద్ధం చేస్తున్నారట. దానికి బన్నీ ఓకే చెబితే… వీలైనంత త్వరగా స్టార్ట్ చేసేస్తారట. అయితే సందీప్‌ రెడ్డి వంగా కూడా బన్నీకి సినిమా చేయాల్సి వచ్చింది. కానీ ప్రభాస్‌ ‘స్పిరిట్‌’ అయ్యేవరకు సందీప్‌ రెడ్డి వంగా ఇంకో సినిమా చేయకపోవచ్చు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
