అండర్‌ కవర్‌ కాప్‌… తెలుగులో సినిమాలో హిట్ కాన్సెప్ట్‌… సూపర్‌ హిట్ కాన్సెప్ట్‌. మహేష్‌బాబుకు ఈ కాన్సెప్ట్‌ ఇండస్ట్రీ హిట్ పడింది… అదే ‘పోకిరి’. అందులో పండు అలియాస్‌ కృష్ణ మనోహర్‌గా మహేష్ అద్భుతం సృష్టించాడు. ఇప్పుడు మరోసారి మహేష్ నుండి అలాంటి సినిమా ఆశించొచ్చు అంటున్నాయి టాలీవుడ్‌ వర్గాలు. అయితే ఈసారి పండుగాడు పూరి స్టైల్‌లో కాదు… త్రివిక్రమ్‌ స్టైల్‌లో ఉంటాడట. అంటే SSMB28 కాన్సెప్ట్‌ అండర్‌ కవర్‌ కాప్‌ అన్నమాట.
మహేష్ – త్రివిక్రమ్‌ కాంబినేషన్‌లో 11 ఏళ్ల తర్వాత సినిమా అనగానే అందరిలోనూ ఆసక్తి మొదలైంది. దీంతో సినిమా కథ గురించి రకరకాలుగా అనుకోవడం మొదలుపెట్టారు. ‘అతడు’ సీక్వెల్‌ అని కొందరు. కాదు కాదు అందులో ‘పార్థు’ పాత్రను తీసుకొని చేస్తున్న కథ అని ఇంకొందరు చెప్పుకొచ్చారు. అయితే ఇవన్నీ కాకుండా మహేష్‌ను త్రివిక్రమ్‌ అండర్‌ కవర్‌ కాప్‌ లేదా రా ఏజెంట్‌గా చూపిస్తారని అంటున్నారు. ఇలాంటి స్టైలిష్‌ సినిమాలు తీయడంలో గురూజీది అందెవేసిన చేయి కావడం గమనార్హం.
నిజానికి ఈ సినిమా ఈ పాటికి మొదలైపోయుండాలి. ఈ మాయదారి కరోనా దేశంలోకి రెండోసారి రాకపోతే… మహేష్ స్టార్ట్‌.. కెమెరా.. యాక్షన్‌ మధ్య ఉండేవాడు. పరిస్థితులు ఇప్పుడిప్పుడు కుదుటపడుతుండటంతో దుబాయిలో త్వరలో చిత్రీకరణ స్టార్ట్‌ చేస్తారని తెలుస్తోంది. సినిమాకు ‘పార్థు’ అనే పెడతారని గతంలో వార్తలొచ్చాయి. అయితే త్రివిక్రమ్‌ ‘అ’ సెంటిమెంట్ వల్ల అది ‘అతడే పార్థు’గా మారుతుందని కూడా చెప్పుకొచ్చారు. చూద్దాం గురూజీ ఏం చేస్తారో!
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home