బన్నీ, మహేష్ లు.. ఇక ఆపారా..? విసిగిపోతున్న ప్రేక్షకులు..!

‘ప్రతీ సంక్రాంతికి అల్లుళ్ళు వస్తారు.. ఈ సంక్రాంతికి మొగుళ్ళు వచ్చారు’.. ఇది మహేష్ బాబు ‘సరిలేరు నీకెవ్వరు’ చిత్రంలో ప్రకాష్ రాజ్ చెప్పే డైలాగ్. ఈ డైలాగ్ కి తగినట్టుగానే.. ఈ సంక్రాంతికి విడుదలైన సినిమాల వ్యవహారం నడిచింది అనడంలో సందేహమే లేదు. అవును మహేష్ ‘సరిలేరు నీకెవ్వరు’, బన్నీ ‘అల వైకుంఠపురములో’ చిత్రాలు విడుదలయ్యి రెండూ బ్లాక్ బస్టర్ లు అయ్యాయి. చెప్పాలంటే ఈ చిత్రాలు చేసిన బిజినెస్ కు మించే వసూళ్లను రాబట్టాయి. అయితే విడుదలైన మొదటి రోజు నుండీ పోస్టర్లతో జనాలను విసిగించాయి అనేది కూడా పచ్చి నిజం.

విడుదల రోజునే ‘సంక్రాంతి విన్నర్’ అని ‘అల వైకుంఠపురములో’ టీం పోస్టర్ విడుదల చేసింది. ఇక ఇది చూసి రెచ్చిపోయిన ‘సరిలేరు నీకెవ్వరు’ టీం ‘సంక్రాంతి మొగుడు’ అంటూ పోస్టర్ విడుదల చేశారు. ఇక తరువాత ‘అల’ టీం ‘సంక్రాంతి రంకు మొగుడు’ అంటూ ఓ పోస్టర్ విడుదల చేసి ఆ వార్ ను కంటిన్యూ చేసే ప్రయత్నం మొదలుపెట్టారు. వీళ్ళని చూసి మిగిలిన సినిమా వాళ్ళు కూడా ‘సంక్రాంతి అమ్మ మొగుడు’ ‘సంక్రాంతి లీగల్ మొగుడు’ అంటూ కూడా పోస్టర్ లు విడుదల చేశారు అంటే.. విషయం ఎంత కామెడీ అయ్యిందో అర్థం చేసుకోవచ్చు. ఇక అక్కడితో అయిపోయిందా అంటే ఇప్పుడు మా సినిమా ‘బాహుబలి 1’ ని కొట్టేసింది .. ‘ఆల్ టైం ఇండస్ట్రీ హిట్’.. అంటూ పోస్టర్ విడుదల చేస్తే మరొకరు ‘ఆల్ టైం ఇండస్ట్రీ బ్లాక్ బస్టర్’ అంటూ మరొకరు పోస్టర్ విడుదల చేశారు. ఇప్పటికే ఈ చిత్రాలు వచ్చి రెండు వారాలు పూర్తయ్యింది. అంటే 80 శాతం రన్ ముగిసినట్టే. ఈ టైములో ఎక్కువ వసూళ్లు వచ్చే అవకాశం కూడా ఉండదు. అయినప్పటికీ ఇలా పోస్టర్లతో వివాదాలు పెట్టుకోవడం ఇండస్ట్రీకి.. అలాగే ఈ హీరోల అభిమానులకి కూడా మంచిది కాదనే చెప్పాలి. మహేష్, బన్నీ ఇప్పుడైనా ఆపేస్తే బెటర్.

డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!