మళ్ళీ మాస్ హీరోను లైన్ లో పెట్టిన పూరి జగన్నాథ్

టాలీవుడ్ ఇండస్ట్రీలో హీరో డైరెక్టర్ కాంబినేషన్ పై అంచనాలు ఏ స్థాయిలో ఉంటాయో స్పెషల్ గా చెప్పనవసరం లేదు. ఒకసారి ఒక దర్శకుడితో హిట్ పడింది అంటే మళ్ళీ అదే దర్శకుడితో మరో సినిమా చేస్తే ఒక్కసారిగా అంచనాలు పెరిగిపోతుంటాయి. ఇక డేరింగ్ అండ్ డ్యాషింగ్ డైరెక్టర్ పూరి జగన్నాథ్ తో వర్క్ చేయని హీరో లేడు. దాదాపు టాలీవుడ్ అగ్ర హీరోలందరితో ఆయన వర్క్ చేశారు. ఇక అసలు మ్యాటర్ లోకి వస్తే పూరి జగన్నాథ్ 6వ సారి మాస్ హీరోను డైరెక్ట్ చేయడానికి సిద్ధమైనట్లు సమాచారం.

ఆ హీరో మరెవరో కాదు మాస్ మహారాజా రవితేజ. వీరి కాంబినేషన్ లో వచ్చిన మొదటి సినిమా ఇట్లు శ్రావణి సుబ్రహ్మణ్యం. ఆ సినిమా తరువాత చేసిన ఇడియట్ ఏ రేంజ్ లో సక్సెస్ అయ్యిందో స్పెషల్ గా చెప్పనవసరం లేదు. అమ్మానాన్న ఓ తమిళ అమ్మాయి కూడా బాక్సాఫీస్ వద్ద మరో హిట్. నేనింతే సినిమా మాత్రమే అనుకున్నంత రేంజ్ లో క్లిక్కవ్వలేదు. చివరగా వీరి కాంబోలో వచ్చిన సినిమా దేవుడు చేసిన మనుషులు. ఆ సినిమా కూడా ప్లాప్ అయ్యింది.

ఇక ఫైనల్ గా ఆరవసారి వీరి కాంబినేషన్ లో ఒక సినిమా రానున్నట్లు టాక్ వస్తోంది. ప్రస్తుతం పూరీ విజయ్ దేవరకొండతో లైగర్ సినిమా చేస్తున్న విషయం తెలిసిందే. ఆ సినిమా తరువాత ఎవరితో వర్క్ చేస్తున్నారనే విషయంలో ఇంకా క్లారిటీ రాలేదు. మరి రవితేజతో సినిమా ఎంతవరకు నిజమో తెలియాలి అంటే మరికొన్ని రోజులు వేయిట్ చేయాల్సిందే.

Most Recommended Video

30 రోజుల్లో ప్రేమించటం ఎలా? సినిమా రివ్యూ & రేటింగ్!
‘జబర్దస్త్’ కమెడియన్ల రియల్ భార్యల ఫోటోలు వైరల్..!
హీరో, హీరోయిన్ల పెయిర్ మాత్రమే కాదు విలన్ ల పెయిర్ లు కూడా ఆకట్టుకున్న సినిమాలు ఇవే..!