దర్శకధీరుడు ఎస్.ఎస్. రాజమౌళి అభిమానించే హీరోల్లో ప్రభాస్ ఒకరు. జక్కన్న దర్శకుడిగా మారిన వెంటనే ప్రభాస్ కి సింహాద్రి కథ వినిపించారు. కానీ రాజమౌళిపై నమ్మకం లేక ఆ కథను వదులుకున్నారు. ఆ సినిమా హిట్ కావడంతో అతనితో కలిసి ఛత్రపతి సినిమా చేశారు. అక్కడి నుంచి వారి బంధం మరింత బలపడింది. రెబల్ సినిమా షూటింగ్ సమయంలోనే బాహుబలి కథను ప్రభాస్ కి వినిపించారు. విన్నవెంటనే ఓకే చెప్పారు. దాంతో రాజమౌళి కూడా స్క్రిప్ట్ వర్క్ లోకి దిగిపోయి అద్భుతమైన వెండి తెర దృశ్యకావాలను మనకి అందించారు. ఈ బాహుబలి చిత్ర సమయంలోనే మరో కథను జక్కన్న ప్రభాస్ కి వినిపించినట్లు వార్త తాజాగా బయటికి వచ్చింది. ప్రస్తుతం అదే కథపై వర్క్ చేస్తున్నట్లు సమాచారం. అయితే ఇది జానపద చిత్రం కాదు.
పక్కా కమర్షియల్ మూవీ అని తెలిసింది. ప్రస్తుతం ప్రభాస్ ‘రన్‌ రాజా రన్‌’ ఫేమ్‌ సుజీత్‌ దర్శకత్వంలో ‘సాహో’ చేస్తున్నారు. ఈ సినిమా పూర్తయ్యాక, ‘జిల్‌’ ఫేమ్‌ రాధాకృష్ణ దర్శకత్వంలో ఓ సినిమా చేయనున్నారు. ఈ రెండు కంప్లీట్ అయ్యేలోపున రాజమౌళి కూడా ఓ చిత్రాన్ని తెరకెక్కించి .. ప్రభాస్ కోసం రెడీగా ఉండాలని భావిస్తున్నట్లు ఫిలిం నగర్ వాసులు చెబుతున్నారు. ఏడాది తర్వాత మొదలయ్యే మూవీ అయినప్పటికీ దీని గురించి మాట్లాడాడుకోకుండా ఉండలేము.
Also, do SUBSCRIBE to our YouTube channel to get latest Tollywood updates.
