Ravi Teja: మరోసారి సింగర్ గా రవితేజ!

టాలీవుడ్ మాస్ మహారాజ రవితేజ ఇటీవల గోపీచంద్ మలినేని దర్శకత్వంలో తెరకెక్కిన క్రాక్ సినిమా ద్వారా ప్రేక్షకుల ముందుకు వచ్చి సూపర్ హిట్ కొట్టారు. రవితేజ పవర్ఫుల్ పోలీస్ ఆఫీసర్ గా తెరకెక్కిన ఈ సినిమాలో శృతి హాసన్ హీరోయిన్ గా నటించింది. ఇక ప్రస్తుతం రెండు సినిమాలు చేస్తున్నారు రవితేజ. అందులో ఒకటి రామారావు ఆన్ డ్యూటీ. యువ దర్శకుడు శరత్ మండవ తీస్తున్న ఈ సినిమాలో రవితేజ ఒక గవర్నమెంట్ అధికారిగా నటిస్తుండగా కొన్ని వాస్తవ ఘటనల ఆధారంగా ఈ సినిమా తెరకెక్కుతున్నట్లు సమాచారం.

అలానే దీనితో పాటు రమేష్ వర్మ దర్శకత్వంలో రవితేజ చేస్తున్న సినిమా ఖిలాడీ. పెన్ మూవీస్, ఏ స్టూడియోస్ ఎల్ ఎల్ పి బ్యానర్స్ పై తెరకెక్కుతున్న ఈ సినిమాలో డింపుల్ హయతి, మీనాక్షి చౌదరి హీరోయిన్స్ గా నటిస్తుండగా కీలక రోల్స్ లో అర్జున్, ఉన్ని ముకుందన్, సచిన్ ఖేడేకర్, ముఖేష్ ఋషి నటిస్తున్నారు. రవితేజ డ్యూయల్ రోల్ చేస్తున్న ఈ సినిమా నుండి ఇటీవల విడుదలైన ఫస్ట్ లుక్ టీజర్ కి అందరి నుండి మంచి రెస్పాన్స్ వచ్చింది. అయితే లేటెస్ట్ గా పలు ఫిలిం నగర్ వర్గాల నుండి అందుతున్న న్యూస్ ప్రకారం ఈ సినిమాలోని టైటిల్ సాంగ్ ని హీరో రవితేజ స్వయంగా పాడినట్లు చెప్తున్నారు.

సంగీత దర్శకుడు దేవిశ్రీప్రసాద్ ఈ సాంగ్ కి వండర్ఫుల్ ట్యూన్ ఇచ్చారని, త్వరలో రిలీజ్ కానున్న ఈ మూవీ సాంగ్స్ అన్ని కూడా శ్రోతలను ఆకట్టుకోవడం ఖాయం అని యూనిట్ ఆశాభావం వ్యక్తం చేస్తోందట. యాక్షన్ తో కూడిన థ్రిల్లింగ్ ఎంటర్టైనర్ గా తెరకెక్కుతున్న ఖిలాడీ పై రవితేజ ఫ్యాన్స్ తో పాటు ఆడియన్స్ లో కూడా మంచి అంచనాలు ఉన్నాయి. గతంలో రవితేజ తో రమేష్ వర్మ తీసిన వీర సినిమా ఫ్లాప్ అయింది, మరి కొన్నేళ్ల గ్యాప్ తరువాత త్వరలో వీరిద్దరి కాంబోలో ప్రేక్షకుల ముందుకు రానున్న ఖిలాడీ మూవీ ఏ స్థాయి సక్సెస్ అందుకుంటుందో చూడాలి.

Most Recommended Video

చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!