టాలీవుడ్ టాప్ డైరెక్టర్ పూరి జగన్నాధ్, మాస్ మహారాజా రవితేజ కాంబినేషన్ లో ఇప్పటికే చాలా సినిమాలు వచ్చాయి. ‘ఇడియట్’, ‘ఇట్లు శ్రావణి సుబ్రమణ్యం’, ‘అమ్మా నాన్న ఓ తమిళమ్మాయి’, ‘నేనింతే’, ‘దేవుడు చేసిన మనుషులు’ ఇలా వీరిద్దరూ కలిసి ఐదు సినిమాలకు పని చేశారు. పూరి అంటే రవితేజకి ఎంతో అభిమానం. ఆయన ఎప్పుడు డేట్స్ అడిగినా.. లేదనుకుండా ఇస్తుంటాడు రవితేజ. ఇప్పుడు మరోసారి వీరిద్దరూ కలిసి సినిమా చేయబోతున్నట్లు సమాచారం.
మెగాస్టార్ చిరంజీవి రీఎంట్రీ కోసం ముందుగా పూరి జగన్నాధ్ ను కథ సిద్ధం చేయమని అడిగారు. దీంతో ఆయన ‘ఆటో జానీ’ అనే స్టోరీ రాసుకున్నాడు. అయితే ఈ కథ సెకండ్ హాఫ్ చిరంజీవికి నచ్చకపోవడంతో ఆయన రిజెక్ట్ చేశారు. అప్పటినుండి ఆ కథ అలానే ఉండిపోయింది. ఇప్పుడు ఈ కథతో సినిమా చేయడానికి రెడీ అవుతున్నాడు పూరి. దీనికోసం రవితేజను హీరోగా ఎంపిక చేసుకున్నాడని సమాచారం. రవితేజ బాడీ లాంగ్వేజ్ కు తగ్గట్లుగా కొన్ని మార్పులు చేస్తే సరిపోతుందని భావిస్తున్నాడు.
ప్రస్తుతం పూరి జగన్నాధ్ ‘లైగర్’ సినిమాతో బిజీగా ఉన్నాడు. అది పూర్తయిన తరువాత ‘ఆటో జానీ’పై ఫోకస్ పెట్టనున్నాడు. మరోపక్క రవితేజ వరుస సినిమాలకు కమిట్మెంట్ ఇస్తున్నాడు. ‘ఖిలాడి’ సినిమా సెట్స్ పై ఉండగానే మరో రెండు సినిమాలు ఒప్పుకున్నాడు. ఇవన్నీ పూర్తి చేశాక పూరి సినిమా మొదలుపెడతాడో లేక సమాంతరంగా నటిస్తాడో చూడాలి..!
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home
