సంచలన దర్శకుడు రాంగోపాల్ వర్మ ఎట్టకేలకు ‘లక్ష్మీస్ ఎన్టీఆర్’ చిత్రాన్ని విడుదల చేసాడు. అనేక వివాదాల నడుమ ఒక్క ఆంధ్రప్రదేశ్ లో తప్ప మిగిలిన అన్ని చోట్ల ఈ చిత్రం విడుదలయ్యింది. మొదటి షో నుండీ ఈ చిత్రం పాజిటివ్ టాక్ ను సొంతం చేసుకుంది. ఈ చిత్రాన్ని మొదటి నుండీ చిత్ర విచిత్రంగా ప్రమోట్ చేసాడు వర్మ. ఒక విధంగా ఈ చిత్రాన్ని రాంగోపాల్ వర్మ కంటే ఎక్కువగా టీడిపి కార్యకర్తలే ఎక్కువ ప్రమోట్ చేసారని చెప్పాలి. ఇదిలా ఉంటే ఈ చిత్రం అంతా సీరియస్ గానే సాగుతుంది ఎక్కడా కామెడీ అనేది ఉండదు. అయితే ఈ చిత్రం చూస్తున్నంతసేపు ప్రేక్షకులు ఓ రేంజ్లో కామెడీ చేసారు. అన్నిటి కంటే ముఖ్యంగా బాలయ్య క్యారెక్టర్ వచ్చిన ప్రతీసారి జనాలు ‘బుల్ బుల్’ అంటూ అరుస్తూనే ఉంటున్నారు.
ఒక్క బాలకృష్ణ పాత్ర వచ్చినప్పుడే కాదు… ‘మోహన్ బాబు పాత్ర వచ్చినప్పుడు ‘ఫసక్’ అని, అలాగే చంద్రబాబు పాత్ర వస్తే ‘వెన్ను పోటు’ ‘దగా’ అని, ఇక ఆకాష్ (లోకేష్ నారా) పాత్ర వచ్చినప్పుడు ‘పప్పు’ అంటూ అరుస్తూ ప్రేక్షకులు థియేటర్లలో కామెడీ చేసారు. అన్నిటికంటే ఎక్కువగా బాలయ్య ‘బుల్ బుల్’ పదమే ప్రేక్షకులు ఎక్కువ పలికారు. మరి వర్మ కూడా ఇది విన్నాడనుకుంట..! ఈ చిత్రంలో బాలయ్య పాత్ర చేసిన బాలు తో దిగిన ఓ ఫోటోను షేర్ చేస్తూ ” ‘లక్ష్మీస్ ఎన్టీఆర్’ లో బుల్ బుల్ పాత్ర పోషించిన బాలయ్య పాత్రధారితో”…. అంటూ ఆ ట్వీట్లో పేర్కొన్నాడు. ఇప్పటికే ‘లక్ష్మీస్ ఎన్టీఆర్’ చిత్రంలో బాలయ్యను కమెడియన్ చేసి ఆడుకున్న వర్మ పై బాలయ్య అభిమానులు చాలా ఆగ్రహంతో ఉన్నారట. ఇప్పుడు ఈ ట్వీట్ తో వారి కోపాన్ని మరింత పెంచే ప్రయత్నం చేసాడు వర్మ. ప్రస్తుతం ఈ పిక్.. అలాగే ఈ టాపిక్ సోషల్ మీడియాలో వైరల్ గా మారింది.
