గోపీచంద్ సినిమాల్లో రెండు పక్కాగా ఉంటాయి. ఒకటి సినిమా టైటిల్‌లో ఆఖరున పూర్ణం (సున్నా), రెండోది క్రాఫ్‌. చాలా ఏళ్లపాటు అదే క్రాఫ్‌లో ఉండిపోయాడు. ఆ సంగతి పక్కన పెడితే… మిగిలింది సినిమా టైటిల్ ఆఖరు సున్నా. ఇప్పుడు మరోసారి అదే తరహాలో కొత్త సినిమాకు టైటిల్‌ను ఎంచుకున్నారు గోపీచంద్. ఈ మేరకు సోషల్‌ మీడియాలో ఆ సినిమా పేరు గట్టిగా వినిపిస్తోంది. అన్నీ ఓకే అనుకుంటే..ఈ పేరుతో టైటిల్ అనౌన్స్‌మెంట్‌ ఉంటుంది అని చెబుతున్నారు.
గోపీచంద్, శ్రీను వైట్ల కాంబినేషన్‌లో ఓ సినిమా రూపొందుతోంది. ఇప్పుడు వాళ్లిద్దరూ ఒకే రకమైన పరిస్థితిలో ఉన్నారు. అర్జెంట్‌గా విజయం కావాలి. దాని కోసం చేస్తున్న సినిమా షూటింగ్‌ శరవేగంగా జరుగుతోంది. ఇటీవల విదేశీ టూర్‌ను కూడా పూర్తి చేసుకుందీ బృందం. కావ్య థాప‌ర్ క‌థానాయిక‌గా నటిస్తున్న ఈ సినిమాలో కీలక సన్నివేశాలను మిలాన్‌లో చిత్రీకరించారు. త్వరలో కొత్త షెడ్యూల్‌ ప్రారంభిస్తారట.
ఇక ఈ సినిమాకు ‘విశ్వం’ అనే టైటిల్ ఖ‌రారు చేసిన‌ట్టు సినిమా సన్నిహిత వర్గాల సమాచారం. శ్రీను వైట్ల శైలిలో సాగే వినోదానికి, గోపీచంద్ స్టైల్‌ యాక్షన్‌ కలగలిపి తెరకెక్కిస్తారట. కొత్త సంవత్సరం సందర్భంగా ఈ సినిమా టైటిల్ ఉంటుందట. ఇక గోపీచంద్ ‘భీమా’ అనే మరో సినిమాలోనూ నటిస్తున్నాడు. ఇందులో గోపీచంద్ పోలీసు పాత్రలో కనిపిస్తాడట. గోపీచంద్ గతంలో చేసిన పోలీసు సినిమాలు అన్నీ విజయం సాధించాయి.
ఈ లెక్కన ‘భీమా’తో విజయం పక్కా అంటున్నారు. ఆ సినిమా విజయం తర్వాత శ్రీను వైట్ల ‘విశ్వం’ తీసుకొస్తారట. ‘భీమా’ విజయాన్ని ఆ సినిమా కంటిన్యూ చేయాలని టీమ్ కోరుకుంటోంది. మరి శ్రీను వైట్ల పాత కష్టాలు అన్నీ మరచిపోయి ఈ సినిమాకు కొత్తగా, ఆకట్టుకునే విధంగా తెరకెక్కించాలని ఆశిద్దాం. ఆయన తరహా వినోదం అవసరమే కానీ.. అన్నీ ఒకే తరహాలో ఉన్నాయి అనే చర్చ జరగడమే ఆయన సినిమాల ఫలితాలకు కారణం. మరి (Gopichand) గోపీచంద్‌తో ఏం చేస్తారో చూడాలి.
డెవిల్ సినిమా రివ్యూ & రేటింగ్!
బబుల్ గమ్ సినిమా రివ్యూ & రేటింగ్!
‘ఖైదీ నెంబర్ 786’ టు ‘ఠాగూర్’.. తెలుగులో రీమేక్ అయిన విజయ్ కాంత్ సినిమాల లిస్ట్..!
Home
