అలియా మొదలు పెట్టగానే బ్రేక్ పడింది

ఆర్ఆర్ఆర్ నటి, అలియా భట్ గంగూబాయి కతియావాడి అనే క్రేజీ ప్రాజెక్ట్ చేస్తున్నారని అందరికీ తెలిసిన విషయమే. ఈ సినిమాపై అంచనాలు భరిగానే ఉన్నాయి. పద్మావత్ దర్శకుడు సంజయ్ లీలా భన్సాలి డైరెక్ట్ చేస్తున్న ఈ సినిమా డిసెంబర్ 2019లోనే మొదలైంది. ఇక లాక్ డౌన్ కారణంగా బ్రేక్ రావడంతో సినిమా విడుదల తేదీని వాయిదా వేయాల్సి వచ్చింది. ఇక మొత్తానికి అలియా ఇటీవల షూటింగ్ ను మళ్ళీ మొదలు పెట్టింది.

రెగ్యులర్ షూటింగ్ స్పీడ్ అందుకుంటున్న సమయంలో సడన్ గా సినిమాకు కొన్ని చట్టపరమైన ఇబ్బందులు ఎదురొస్తున్నాయి. సెక్స్ రాకెట్ ను నడిపిన గంగూబాయి యొక్క నిజ జీవిత పాత్ర ఆధారంగా తెరకెక్కుతున్న ఈ చిత్రంలో ఆమెకు మాఫియాతో కూడా సంబంధాలు కలిగి ఉండటాన్ని చూపించనున్నట్లు టాక్ వస్తోంది. అయితే గంగూబాయి యొక్క దత్తపుత్రులలో ఒకరైన బాబూజీ రావ్జీ షా కేసు నమోదు చేశాడు. హీరోయిన్ అలియా భట్ తో పాటు మరియు కథను అందించిన హుస్సేన్ జైదీ పేర్లను పిటిషన్ లో పేర్కొన్నటు సమాచారం.

హుస్సేన్, మాఫియా క్వీన్ ఆఫ్ ముంబై పుస్తకాన్ని వ్రాసారు. దీని ఆధారంగానే సినిమాను తెరకెక్కిస్తున్నారు. పుస్తకంలోని అంశాలు చాలా వరకు పరువు నష్టం కలిగించేవని బాబూజీ ముంబై కోర్టును ఆశ్రయించారు. విచారణ జనవరి 7న జరుగనున్నట్లు సమాచారం.

Most Recommended Video

2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!