జేమ్స్‌ బాండ్‌ 007 పేరులో బాండ్‌ తీసేసి బాలయ్య లేదంటే బాలకృష్ణ పేరు పెట్టి చూడండి. బాగుంది కదా. అన్నీ ఓకే అయితే త్వరలోనే అభిమానులు, ప్రేక్షకులు అలానే పిలుచుకునే రోజులు వస్తాయి. అవును నందమూరి నాయకుడు స్పై నేపథ్యంలో ఓ సినిమాలో నటించబోతున్నాడట. బాలయ్య – బి.గోపాల్ కాంబినేషన్‌లో ఓ సినిమా ఉంటుందని చాలా రోజుల నుంచి వార్తలొస్తున్నాయి. ఆ సినిమాలోనే బాలయ్య గూఢచారిగా కనిపిస్తాడట. ప్రస్తుతం ఈ పాయింట్‌ చర్చల దశలో ఉందని తెలుస్తోంది.
బాలకృష్ణ – బి.గోపాల్ కాంబినేషన్‌ అంటే సెన్సేషన్‌. వరుస హిట్లు ఇచ్చిన ఈ కాంబో ‘పలనాటి బ్రహ్మనాయుడు’ ఇచ్చిన పరాజయం తర్వాత దూరమైంది. మళ్లీ ఇప్పుడు సినిమా మెటీరియలైజ్‌ అవుతోందని సమాచారం. ఈ సినిమా కోసం టాప్ రైటర్ సాయి మాధవ్ బుర్రా, ఆకుల శివ పని చేస్తున్నారట. ఈ ఇద్దరూ కలసి ఫుల్‌ స్క్రిప్ట్‌ సిద్ధం చేసే పనిలో ఉన్నారట. ఇందులో బాలయ్య పాత్ర పూర్తి కొత్తగా ఉంటుందని సమాచారం. అయితే ఈ సినిమా క్యాన్సిల్‌ అయిందని వార్తలొచ్చినా నేపథ్యంలో ఈ న్యూస్‌ అభిమానులకు పండగే.
కరోనా – లాక్‌డౌన్‌ కారణంగా బాలయ్య – బోయపాటి సినిమా ఆలస్యమవుతూ వచ్చింది. లేకపోతే బిబి3 ఎప్పుడో పూర్తి చేసేసి బాలయ్య కొత్త సినిమా కోసం సిద్ధంగా ఉండేవాడు. బిబి3 అయ్యాక కొత్త సినిమాకు బాలయ్య వచ్చేస్తాడు. ఈ లోపు ఈ సినిమా సిద్ధం చేయాలని చిత్రబృందం చూస్తోందట. మరోవైపు అనిల్‌ రావిపూడి దర్శకత్వంలోనూ బాలకృష్ణ ఓ సినిమా చేస్తారనే వార్తలూ వస్తున్నాయి. మరి ఏది ముందు సిద్ధమవుతుందో చూడాలి.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
