యశ్ హీరోగా ప్రశాంత్ నీల్ డైరెక్షన్ లో తెరకెక్కిన కేజీఎఫ్2 సినిమా రిలీజ్ కు ముందు రిలీజ్ తర్వాత బాలీవుడ్ లో అంచనాలను మించి కలెక్షన్లను సాధిస్తున్న సంగతి తెలిసిందే. బాలీవుడ్ సినిమాలు బాలీవుడ్ ఇండస్ట్రీలో వరుసగా నిరుత్సాహపరుస్తుండగా సౌత్ సినిమాలు మాత్రం బాలీవుడ్ ఇండస్ట్రీలో సత్తా చాటుతున్నాయి. తాజాగా కేజీఎఫ్2 బాలీవుడ్ లో 400 కోట్ల రూపాయల క్లబ్ లో చేరింది. ఈ మేరకు అధికారిక ప్రకటన వెలువడటం గమనార్హం.
బాలీవుడ్ ఇండస్ట్రీలో వరుసగా కొత్త సినిమాలు విడుదలవుతున్నా ఆ సినిమాలు కేజీఎఫ్2 సినిమాకు నామమాత్రపు పోటీని కూడా ఇవ్వడం లేదని సమాచారం అందుతోంది. యశ్ తక్కువ సమయంలోనే సంచలన రికార్డులను ఖాతాలో వేసుకోవడం అభిమానులకు ఎంతగానో సంతోషాన్ని కలిస్తోందని కామెంట్లు వ్యక్తమవుతున్నాయి. ఫైనల్ రన్ సమయానికి కేజీఎఫ్2 కలెక్షన్లు ఏ విధంగా ఉండబోతున్నాయో చూడాల్సి ఉంది. అయితే కేజీఎఫ్2 అంచనాలకు మించి సక్సెస్ సాధించిన నేపథ్యంలో ఈ హీరోపై తర్వాత ప్రాజెక్ట్ ల విషయంలో ఒత్తిడి పెరుగుతోందని సమాచారం అందుతోంది.
తర్వాత సినిమాలతో కూడా హిట్లు అందుకుంటే మాత్రమే పాన్ ఇండియా హీరోగా కెరీర్ ను కొనసాగించవచ్చని యశ్ భావిస్తున్నట్టు బోగట్టా. కేజీఎఫ్1, కేజీఎఫ్2 సక్సెస్ తో కేజీఎఫ్3 పై కూడా ఊహించని స్థాయిలో అంచనాలు ఏర్పడుతున్నాయి. కేజీఎఫ్3 సినిమా షూటింగ్ కు సంబంధించి క్లారిటీ రావాల్సి ఉంది. ఈ సినిమా కూడా సంచలన విజయాన్ని సొంతం చేసుకోవాలని ఫ్యాన్స్ కోరుకుంటున్నారు. కేజీఎఫ్3 మూవీ ఎప్పుడు విడుదలైనా బాక్సాఫీస్ వద్ద రికార్డులను సొంతం చేసుకుంటుందని ఫ్యాన్స్ భావిస్తుండటం గమనార్హం.
భాషతో సంబంధం లేకుండా క్రేజ్ ను సంపాదించుకున్న యశ్ తర్వాత సినిమాలతో ఎలాంటి ఫలితాలను అందుకుంటారో చూడాల్సి ఉంది. యశ్ భవిష్యత్తు ప్రాజెక్ట్ లు సైతం భారీ బడ్జెట్ తో పాన్ ఇండియా సినిమాలుగా తెరకెక్కనున్నాయని తెలుస్తోంది.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
Home