Acharya Movie: ఆ తప్పు వల్లే ఆచార్యకు నష్టం జరిగిందా?

May 23, 2022 / 08:06 PM ISTByFilmy Focus

Join Us

Acharya Movie: ఆ తప్పు వల్లే ఆచార్యకు నష్టం జరిగిందా?

కేవలం నెలరోజుల గ్యాప్ లో రామ్ చరణ్ తేజ్ నటించిన ఆర్ఆర్ఆర్, ఆచార్య సినిమాలు విడుదలయ్యాయి. ఆర్ఆర్ఆర్ ఇండస్ట్రీ హిట్ గా నిలిస్తే ఆచార్య సినిమా ఫ్లాప్ గా నిలిచింది. చిరంజీవి, చరణ్ కలిసి నటించిన ఆచార్య అలాంటి ఫలితాన్ని అందుకుంటుందని మెగా అభిమానులు సైతం అస్సలు ఊహించలేదు. అయితే మెగా అభిమానుల మధ్య చీలిక రావడం కూడా ఆచార్య ఫ్లాప్ కు ఒక కారణమని తెలుస్తోంది. తాజాగా విజయవాడలో మెగా అభిమానులు సమావేశమైన సంగతి తెలిసిందే.

ఈ సమావేశంలో మెగా హీరోల సినిమాలు, వాటి ఫలితాలు పవన్ జనసేన పార్టీ గురించి జోరుగా చర్చ జరిగిందని సమాచారం. మెగా ఫ్యాన్స్ అంతా కలిసికట్టుగా ఇకపై ముందడుగులు వేయాలని ఫ్యాన్స్ నిర్ణయం తీసుకున్నారని తెలుస్తోంది. ఈ నిర్ణయం వల్ల మెగా హీరోల సినిమాలకు కచ్చితంగా మంచి జరుగుతుందని చెప్పవచ్చు. ఆచార్య సినిమా విషయంలో ఫ్యాన్స్ వైపు నుంచి జరిగిన పొరపాటు మళ్లీ పునరావృతం కాకుండా ఫ్యాన్స్ జాగ్రత్త పడుతున్నారు.

ప్రస్తుతం మెగా హీరోలు వరుస సినిమాలతో బిజీగా ఉన్నారు. చరణ్ శంకర్ కాంబో మూవీ 300 కోట్ల రూపాయల భారీ బడ్జెట్ తో తెరకెక్కుతోంది. పవన్ హరిహర వీరమల్లు కూడా భారీ బడ్జెట్ తోనే తెరకెక్కుతోంది. వరుణ్ తేజ్ ఎఫ్3, గాడ్ ఫాదర్ సినిమాలపై కూడా మంచి అంచనాలు నెలకొన్నాయి. మెగా హీరోలు బాక్సాఫీస్ వద్ద సంచలనాలు సృష్టించాలని ఫ్యాన్స్ ఆశిస్తున్నారు.

వైష్ణవ్ తేజ్, సాయితేజ్ కూడా పలు ప్రాజెక్ట్ లతో బిజీగా ఉన్నారు. రాబోయే 12 నెలల్లో మెగా హీరోల నుంచి 4 లేదా 5 సినిమాలు విడుదలయ్యే అవకాశాలు కనిపిస్తున్నాయి. ఈ సినిమాలపై బాగానే అంచనాలు నెలకొనగా ఈ సినిమాల కోసం మెగా ఫ్యాన్స్ ఆసక్తిగా ఎదురుచూస్తున్నారు. చిరంజీవి ఎక్కువగా రీమేక్ సినిమాలలో నటిస్తుండటం గమనార్హం.