సాంగ్ తో పూర్తి కానున్న శాతకర్ణి షూటింగ్..!

తెలుగు చక్రవర్తి ‘శాతకర్ణి’ గాథతో తెరకెక్కుతోన్న చిత్రం ‘గౌతమీపుత్ర శాతకర్ణి’. జాగర్లమూడి రాధాకృష్ణ (క్రిష్) దర్శకత్వం వహిస్తున్న ఈ సినిమా చిత్రీకరణ తుదిదశకు చేరుకుంది. తెలుగు చక్రవర్తి కథతో రానున్న ఈ సినిమా ప్రకటన తెలుగు వారి కొత్త సంవత్సరమైన ఉగాది పర్వదినాన రాగా, ఏప్రిల్ 22న పూజా కార్యక్రమాలు జరుపుకుంది. తొలుత ప్రకటించినట్టు సంక్రాంతి పండగకు ప్రేక్షకులముందుకు రానుంది. ఈ మేరకు అన్ని హంగులు సమకూరుస్తున్నారు క్రిష్ అండ్ టీమ్.

బాలయ్య వందో చిత్రమైన ‘గౌతమీపుత్ర శాతకర్ణి’ షూటింగ్ ప్రస్తుతం రామోజీ ఫిల్మ్ సిటీలో జరుగుతోంది. బాలయ్య, శ్రియ శరణ్ పై చిత్రీకరిస్తున్న ఈ పాటకు బృంద నృత్యరీతులు సమకూర్చారు. దీంతో షూటింగ్ కి గుమ్మడి కాయ కొట్టనున్నారు. ఇప్పటికే టీజర్ ని విడుదల చేసిన చిత్ర బృందం డిసెంబర్ మొదటి వారంలో ట్రైలర్ ని రెండో వారంలో పాటలను విడుదల చేసేందుకు సన్నాహాలు చేస్తున్నారు. జనవరి 12న విడుదల కానున్న ఈ సినిమాకి దేవి శ్రీ ప్రసాద్ స్వరాలందిస్తున్న సంగతి తెలిసిందే. హేమ మాలిని, కబీర్ బేడీ ముఖ్య పాత్రలు పోషిస్తున్న ఈ సినిమాలో కన్నడ నటుడు శివరాజ్ కుమార్ ‘కాళహస్తీశ్వర’ పాత్రలో తళుక్కున మెరవనున్నారు. ఫస్ట్ ఫ్రేమ్ ఎంటర్టైన్మెంట్స్ బ్యానర్ లో నిర్మితమవుతున్న ఈ సినిమాకి సాయి మాధవ్ సంభాషణల రచయిత.

Also, do SUBSCRIBE to our YouTube channel to get latest Tollywood updates.