టాలీవుడ్ లో తరుణ్ తో ‘ఇది నా లవ్ స్టోరీ’ అనే చిత్రం తో ప్రేక్షకులకి పరిచయమయ్యింది ఓవియా. తమిళ బిగ్ బాస్ తో మంచి క్రేజ్ సంపాదించుకున్న ఓవియ… అదే ‘బిగ్ బాస్’ కంటెస్టెంట్ అయినా ఆరవ్తో ప్రేమ, మనస్పర్థలు అంటూ గత కొంత కాలంగా వార్తలు వస్తున్న సంగతి తెలిసిందే. కలకలంతో వార్తల్లోకెక్కిన ఓవియకు సినీ అవకాశాలు బాగానే వస్తున్నాయి. ప్రస్తుతం చేతిలో నాలుగైదు చిత్రాలు ఉన్నాయి. ప్రస్తుతం నాలుగైదు సినిమాల్లో నటిస్తూ బిజీ గా ఉంది ఓవియ.
తాజాగా మరోసారి ఆరవ్తో ఓవియ సహజీవనం చేస్తుందంటూ.. వచ్చిన వార్తల పై తనదైన శైలిలో స్పందించింది. ఇటీవల ఇచ్చిన ఒక ఇంటర్వ్యూలో ఓవియ మాట్లాడుతూ …. నేను రాజబీమా చిత్రంలో నటి ఓవియగానే ఒక కీలక పాత్రలో నటిస్తున్నాను. అందులో నటుడు ఆరవ్తో ఒక పాటకు డాన్స్ చేశాను. ఇక్కడ విశేషమేమిటంటే ఆ పాట రాసింది కూడా ఆరవ్నే…అది కూడా నన్ను పొగుడుతూ రాశాడు. నిజం చెప్పాలంటే ఆరవ్ నాకు మంచి స్నేహితుడు. ఇక బిగ్బాస్ ఇంట్లో ఇద్దరం కలిసి ఉన్నప్పటికీ….
మా మధ్య విభేదాలు ఏర్పడి చాలా గొడవపడ్డాం కూడా…! ఇక షో అయిపోయిన తరువాత మా మధ్య విభేదాలు తొలగిపోయాయి. బయట వేడుకలకి కూడా కలిసి వెళ్తున్నాం. అయితే మేము ప్రేమించుకుంటున్నాం, పెళ్ళి చేసుకోబోతున్నాం, సహజీవనం చేస్తున్నాం అంటూ ఇలా ప్రచారం చేయడం కరెక్ట్ కాదు. నిజంగా అలాంటి జీవితాన్ని గడిపే ఉద్దేశం ఉంటే నాకంటే.. ఇలా దాచాల్సిన అవసరం లేదు. ఆరవ్కు సంబంధించినంతవరకూ అతను నాకు మంచి ఫ్రెండ్. ఎప్పుడూ నాకు సపోర్టుగా ఉంటాడు. నాకు వివాహ వ్యవస్థ పై అస్సలు నమ్మకం లేదు. అది నా లైఫ్ కి సెట్ కాదు…. ” అంటూ ఘాటుగా స్పందించింది.
