భారీ వసూళ్లు రాబట్టిన ‘పద్మావత్’

వివాదాస్పద చిత్రం ‘పద్మావతి’ ఈ రోజు ప్రేక్షకుల ముందుకు వచ్చింది. సంజయ్ లీలా బన్సాలి దర్శకత్వంలో తెరకెక్కిన ఈ చిత్రాన్ని భారీ బందోబస్తులతో రిలీజ్ చేశారు. కొన్ని చోట్ల రిలీజ్ రిలీజ్ చేయనివ్వలేదు. దీపిక పదుకొనె, రణవీర్ సింగ్, షాహిద్ కపూర్‌లు కీలక పాత్రలు పోషించిన ఈ మూవీకి మంచి స్పందన వచ్చింది. హిట్ టాక్ సొంతం చేసుకుంది. బుధవారం సాయంత్రం నుంచి ఉదయం వరకు ప్రదర్శించిన ప్రివ్యూల కలెక్షన్లు 5 కోట్లు దాటిపోయిందని చిత్ర విశ్లేషకులు తరణ్‌ ఆదర్శ్‌ ట్విటర్‌ ద్వారా వెల్లడించారు. భారతీయ చిత్ర పరిశ్రమలో ఇప్పటివరకు ఏ సినిమాకు ఎదురవ్వని వివాదాలు ‘పద్మావత్‌’ను చుట్టుముట్టాయి.

అయినప్పటికీ ప్రివ్యూల ద్వారా ఈ సినిమా 5 కోట్ల వసూళ్లు రాబట్టిందని ప్రశంసించారు. సినిమా చూసిన ప్రతి ఒక్కరూభన్సాలీ చాలా చక్కగా సినిమా తెరకెక్కించారని అభినందిస్తున్నారు. దీంతో ఓపెనింగ్స్ కంటే రేపటి నుంచి కలక్షన్స్ పెరిగే అవకాశం ఉంది. ఈ సినిమా గురించి దీపిక పదుకొణె మాట్లాడుతూ..’పద్మావత్‌’ చిత్ర కలెక్షన్లతో భూమి దద్దరిల్లుతుందని నొక్కిచెప్పింది. ఈరోజు సెకండ్ షో కలక్షన్స్ లెక్కలు వచ్చిన తర్వాత ఫస్ట్ డే కలక్షన్స్ వెల్లడించనున్నారు. తొలి రోజే దేశవ్యాప్తంగా 20 కోట్ల గ్రాస్ కలెక్ట్ చేయవచ్చని బాలీవుడ్ వర్గాలు అంచనా వేస్తున్నాయి.