Parasuram: పరశురామ్ ఆ డైరెక్టర్లను ఫాలో అయ్యారా?

May 13, 2022 / 03:16 PM ISTByFilmy Focus

Join Us

Parasuram: పరశురామ్ ఆ డైరెక్టర్లను ఫాలో అయ్యారా?

సినిమాల విషయంలో ప్రతి స్టార్ డైరెక్టర్ కు ఒక ప్రత్యేకమైన స్టైల్ ఉంటుంది. ఒక స్టార్ డైరెక్టర్ సినిమాకు మరో స్టార్ డైరెక్టర్ సినిమాకు పోలిక ఉండదు. అయితే దర్శకుడు పరశురామ్ మాత్రం సర్కారు వారి పాట సినిమా విషయంలో పూరీ జగన్నాథ్, కొరటాల శివను ఫాలో అయ్యారని తెలుస్తోంది. సినిమాలో హీరోయిన్ పాత్రను పరశురామ్ చూపించిన విధానం, విలన్లను డీల్ చేసిన విధానం పూరీ జగన్నాథ్ ను గుర్తుకు తెస్తుందని నెటిజన్లు చెబుతున్నారు.

సర్కారు వారి పాట సినిమాలోని కొన్ని డైలాగ్స్ కూడా పరశురామ్ శైలికి భిన్నంగా ఉన్నాయి. సర్కారు వారి పాట సినిమాలో డబుల్ మీనింగ్ డైలాగ్స్ శృతి మించాయని నెటిజన్ల నుంచి కామెంట్లు వినిపిస్తున్నాయి. కీర్తి సురేష్ సన్నివేశాల విషయంలో, ఫస్టాఫ్ లోని మెజారిటీ సీన్ల విషయంలో పరశురామ్ పూరీ జగన్నాథ్ ను ఫాలో అయిపోయారని అభిప్రాయాలు వ్యక్తమవుతూ ఉండటం గమనార్హం. హీరోయిన్ పాత్ర తిట్టిన తిట్లు సైతం సినిమాకు ఒకింత మైనస్ అయ్యాయని కామెంట్లు వినిపిస్తున్నాయి.

సెకండాఫ్ లో హీరో బ్యాంక్ లో మాట్లాడే సీన్ కొరటాల మార్కు సీన్ లా ఉందని మరి కొందరు చెబుతున్నారు. ఆ సీన్ చూస్తుంటే జనతా గ్యారేజ్ సినిమాలోని సీన్ గుర్తుకు వచ్చిందని నెటిజన్ల నుంచి అభిప్రాయాలు వ్యక్తమవుతున్నాయి. మహేష్ బాబు కీ బంచ్ లు పట్టుకున్న సీన్ సైతం భరత్ అనే నేను సినిమాలోని ఫైట్ సీన్ ను పోలి ఉందని కామెంట్లు వినిపిస్తున్నాయి. వైరల్ అవుతున్న ఈ కామెంట్ల గురించి పరశురామ్ ఏ విధంగా స్పందిస్తారో చూడాల్సి ఉంది.

సర్కారు వారి పాట ఫస్ట్ డే రికార్డు స్థాయిలో కలెక్షన్లను సొంతం చేసుకోగా శనివారం, ఆదివారంలకు బుకింగ్స్ పరవాలేదనే విధంగా ఉన్నాయి. ఈ సినిమా ఫుల్ రన్ లో ఏ స్థాయిలో కలెక్షన్లను సాధిస్తుందో చూడాల్సి ఉంది. సర్కారు వారి పాటపై ట్విట్టర్ లో విపరీతంగా నెగిటివ్ ప్రచారం జరిగిందని అలా జరగకుండా ఉండి ఉంటే సినిమాకు బెనిఫిట్ కలిగేదని నెటిజన్లు అభిప్రాయపడుతున్నారు.