టాప్ హీరోయిన్స్ లో టాప్ గా దూసుకుపోతున్న సమంత కరియర్ కు ఇప్పుడు సడన్ బ్రేక్స్ పడినట్లు అనిపిస్తుంది. విషయం ఏమిటంటే….టోటల్ సౌత్ ఇండియన్ ఇండస్ట్రీలలో అటు సమంత, ఇటు చైతు పెళ్లి విషయంపై కధనాలు తారా స్థాయికి చేరుకున్నాయి. ఒక మీడియా ఏమో నాగ్ ఒప్పుకోలేదు అంటూ ప్రచారం చేస్తుంటే మరొక మీడియా సమంతకు ఈ పెళ్లి అస్సలు ఇష్టం లేదు అని చెబుతుంది. ఇదిలా ఉంటే ఆ విషయాలన్నీ పక్కన పెడితే…అసలు విషయం ఏమిటంటే….ప్రస్తుతం సమంత సినిమాలకు దూరంగా ఉంది, నాలుగు సినిమాలు ఆమె చేతిలో ఉన్నప్పటికీ, కొత్తవి ఏమీ ఒప్పుకోవడం లేదు.
అయితే పెళ్ళి విషయంలో సమంత కి తన తల్లిదండ్రులు పాత్ర ఎంతో అవసరం. ఎంతో కాలంగా ఆమె తల్లితండ్రులకు దూరంగా ఉంటున్న ఈ భామ ఇప్పుడు తన పెళ్లి విషయం మాట్లాడేందుకు తన తల్లిదండ్రుల వద్దకు వెళ్ళింది. వీరి మధ్య ఉన్న దూరాన్ని తగ్గించేందుకు సమంత అన్ని విధాలుగా ప్రయత్నాలను చేస్తుంది. ముఖ్యంగా తన పెళ్ళి కోసమే సమంత, తల్లిదండ్రుల కోసం ఈ సమయాన్ని కేటాయించిందని, సినిమాలను కూడా పక్కన పెట్టి పేరెంట్స్ నిర్ణయం కోసం వెళ్లినట్లు సమాచారం. కానీ అక్కడ కూడా సమంతకు కాస్త ఇబ్బందులు తప్పేలా కనిపించడం లేదు అని సైతం మీడియా చెబుతుంది.
తన పెళ్ళి విషయాన్ని పేరెంట్స్ ముందు ఉంచిన సమంతకి ఓ షాకింగ్ తగిలిందని సైతం మీడియా కోడై కూస్తుంది..సమంత పెళ్ళి విషయంలో పేరెంట్స్ ఎటువంటి ఆసక్తి చూపించక పోవడం. పెళ్ళికి సంబంధించిన చర్ఛలకు వారు ఆసక్తిగా లేకపోవడం సమంతకి మరింత ఇబ్బందులను కొని తెచ్చేలా ఉంది. ఏది ఏమైనా…త్వరలోనే ఈ విషయంపై ఒక క్లారిటీ రానుంది అని తెలుస్తుంది. చూద్దాం ఏం జరుగుతుందో.
