పవన్ కొత్త సినిమా టైటిల్ ఫిక్స్

పవర్ స్టార్ పవన్ కళ్యాణ్ కొత్త సినిమా టైటిల్ ఖరారు అయింది. ఫ్యాక్షన్ లవ్ స్టోరీ తో గోపాల గోపాల డైరక్టర్ డాలీ తెరకెక్కిస్తున్న ఈ చిత్రానికి కడప కింగ్ అనే పేరు పరిశీలించిన చిత్ర బృందం చివరికి “కాటమ రాయుడు” పేరును ఫిక్స్ చేసింది. రేపు (సెప్టెంబర్ 2) పవన్ జన్మదినం సందర్భంగా ఈ సినిమా టైటిల్ ని అధికారికంగా ప్రకటించనున్నట్లు నిర్మాత శరత్ మరార్ గురువారం ట్వీట్ చేశారు. దీంతో అభిమానుల ఆనందానికి హద్దులేకుండా పోయింది.

టైటిల్ చాలా బాగా ఉందని రీ ట్వీట్ చేశారు. అత్తారింటికి దారేది చిత్రం లో ఈ పాట ఫెమస్ అయింది. ప్రతి ఒక్కరి నోటా పలికింది. అందరికి నచ్చిన పాటతో పేరు పెట్టి చిత్ర బృందం మంచి నిర్ణయం తీసుకుందని సినీ ప్రముఖులు చెబుతున్నారు. మాస్ ప్రజలకు ఈ పేరు తొందరగా కనెక్ట్ అవుతుందని అభిప్రాయం వ్యక్తం చేశారు. సర్దార్ గబ్బర్ సింగ్ తర్వాత పవర్ స్టార్ పవన్ కళ్యాణ్  చేస్తున్న ఈ సినిమా షూటింగ్  కొన్ని రోజుల క్రితం హైదరాబాద్ లో ప్రారంభమైంది. చిత్రీకరణలో కీలక ఆర్టిస్టులు పాల్గొన్నారు. ఈ వారం నుంచి పవన్ షూటింగ్ లో పాల్గొననున్నారు. నార్త్ స్టార్ ఎంటర్ టైన్ మెంట్ బ్యానర్లో శరద్ మరార్ నిర్మిస్తున్న ఈ మూవీలో హీరోయిన్ గా శృతిహాసన్ నటిస్తోంది.

On the eve of #PSPK @PawanKalyan‘s birthday Northstar Entertainment proudly announces the title of d film under production as ‘Katamarayudu’

— Sharrath Marar (@sharrath_marar) September 1, 2016