పవన్ ఇంకా ఆ పని పూర్తి చేయలేదు!

పవన్ కళ్యాన్ నటిస్తోన్న ‘సర్దార్ గబ్బర్ సింగ్’ ఏప్రిల్ 8న రిలీజ్ చేస్తున్నామని చిత్రబృందం వెల్లడించింది. అయితే సినిమా రిలీజ్ కు ఒక వారం రోజుల ముందు మొదటి కాపీ రెడీ కాకపోతే సినిమా అనుకున్న సమయానికి రిలీజ్ కాకపోవచ్చు. ప్రస్తుతం ఈ సినిమాలో బ్యాలన్స్ ఉన్న రెండు పాటలను యూరోప్ లో చిత్రీకరిస్తున్నారు. దర్శకుడు లేకుండానే అసిస్టెంట్ డైరెక్టర్స్ సహాయంతో పవన్ పాటల షూటింగ్ కంప్లీట్ చేస్తున్నాడు. దర్శకుడు బాబీ మిక్సింగ్, డబ్బింగ్ పనులు చూసుకుంటున్నాడు. పవన్ డబ్బింగ్ పూర్తి చేసి యూరోప్ వెళ్ళాడనే వార్తలు వచ్చాయి.

అయితే పవన్ చెప్పాల్సిన డబ్బింగ్ ఇంకా పూర్తి కాలేదట. పవన్ పాటల షూటింగ్ పూర్తి చేసుకొని వచ్చి డబ్బింగ్ చెప్పిన తరువాత మొత్తం పనులన్నీ పూర్తి చేసుకొని ఏప్రిల్ 1 నాటికి మొదటికాపీ రెడీ చేసి ఆ మరుసటి రోజు సెన్సార్ కు వెళ్ళడానికి ప్లాన్ చేసుకుంటున్నారు. నిజానికి ఈనెల 31న త‌మ సినిమాని సెన్సార్ చేద్దామ‌నుకొంది చిత్ర‌యూనిట్‌. అందుకు సంబంధించి సెన్సార్ స్లాట్ కూడా ఓకే చేయించుకొంది. కాని షూటింగ్ లేట్ అవ్వడం వలన వాయిదా వేసుకొంది. మరి చిత్రబృందం చెప్పినట్లుగానే ‘సర్దార్’ ను అనుకున్న సమయానికి రిలీజ్ చేస్తారో..? లేదో..?