ఒకప్పటి స్టార్ హీరోయిన్లు ఇప్పుడు రీ ఎంట్రీ ఇవ్వడమనేది సర్వ సాధారణ విషయం అయిపొయింది. మొన్నటికి మొన్న స్నేహ అల్లుఅర్జున్ ‘సన్ ఆఫ్ సత్యమూర్తి’ చిత్రంలో ప్రత్యేక పాత్ర పోషించింది… అలాగే రాంచరణ్ ‘వినయ విధేయ రామా’ చిత్రంలో కూడా వదిన పాత్ర పోషించింది. ఇక భూమిక సైతం నేచురల్ స్టార్ నాని హీరోగా నటించిన ‘ఎం.సి.ఏ’ చిత్రంలో… వదిన పాత్రలో కనిపించింది. కథలో పాత్రకి ప్రాముఖ్యత ఉండాలి గానీ… అక్క, వదిన, తల్లి ఇలా ఏ పాత్ర చేయడానికైనా అప్పటి హీరోయిన్లు రెడీ అంటున్నారు. ఇప్పుడు ఆ లిస్ట్ లో పవన్ కళ్యాణ్ మాజీ భార్య.. అలనాటి నటి రేణుదేశాయ్ కూడా చేరిపోయారు.
పవన్ కళ్యాణ్ తో విడిపోయిన తరువాత రెండో పెళ్ళి చేసుకోవడానికి సిద్ధమవుతోంది రేణూ దేశాయ్. అలానే సినిమాల్లో కూడా నటించాలని నిర్ణయించుకుందట. ఈ క్రమంలో నటిగా రీఎంట్రీ ఇవ్వడానికి రెడీ అవుతుంది. విషయంలోకి వెళితే… యువ హీరో బెల్లంకొండ శ్రీనివాస్ హీరోగా ‘రక్ష’ ‘దొంగాట’ ‘కిట్టు ఉన్నాడు జాగ్రత్త’ ‘జక్కన్న’ వంటి చిత్రాలని డైరెక్ట్ చేసిన వంశీకృష్ణ త్వరలో ఓ చిత్రాన్ని తెరకెక్కించడానికి రెడీ అవుతున్నాడు. స్టువర్టుపురం గజదొంగ టైగర్ నాగేశ్వరరావు జీవితం ఆధారంగా ఈ చిత్రం రూపొందనుంది. మొదట రానా హీరోగా ఈ చిత్రాన్ని తెరకెక్కించాలని చిత్ర యూనిట్ భావించినప్పటికీ… ఇప్పుడు ఆ ప్లేస్ లో బెల్లంకొండ శ్రీనివాస్ ను ఎంపిక చేసారు. ఇప్పుడు ఈ చిత్రంతో రేణూ దేశాయ్ మళ్ళీ రీ ఎంట్రీ ఇవ్వబోతుందట. ఈ చిత్ర కథ ప్రకారం రేణూ… బెల్లంకొండ శ్రీనివాస్ కి అక్క పాత్రలో కనిపించబోతుందట. ఇక ఈ రీ ఎంట్రీలో రేణూ ఎంతవరకూ ఆకట్టుకుంటుందో చూడాలి.
Home