మెగాస్టార్ తో మెహర్ మూవీ ఖాయమే

September 3, 2020 / 08:03 PM ISTByFilmy Focus

Join Us

మెగాస్టార్ చిరంజీవి దర్శకుల సెలక్షన్ ఏమిటో ఎవరికీ అర్థం కావడం లేదు. ఆయన ఫెయిల్యూర్ డైరెక్టర్స్ కి అవకాశాలు ఇస్తున్నాడు. ఆచార్య తరువాత ఆయన చేయనున్న రెండు చిత్రాల దర్శకులు ఫైల్యూర్స్ లో ఉన్నవారే. అందులో ఒకరు సుజీత్ కాగా, మరొకరు మెహర్ రమేష్. ఈ ఇద్దరు దర్శకులతో చిరంజీవి చిత్రాలు ఆల్మోస్ట్ కన్ఫర్మ్ అయ్యాయి. మలయాళ హిట్ మూవీ లూసిఫర్ తెలుగు రీమేక్ లో చిరంజీవి నటిస్తున్న సంగతి తెలిసిందే.

ఈ చిత్ర దర్శకుడిగా సుజీత్ ఉన్నారు. ప్రభాస్ హీరోగా ఎన్నో అంచనాల మధ్య విడుదలైన సాహూ అనుకున్నంత విజయం సాధించలేదు. హిందీలో మాత్రం హిట్ అయ్యింది. దీంతో చిరంజీవి సుజీత్ కి అవకాశం ఇచ్చారు. సుజీత్ తో చిరంజీవి మూవీపై పాజిటివ్ ఒపీనియన్స్ వచ్చాయి. ఐతే మెహర్ రమేష్ పేరు వింటూనే మెగా ఫ్యాన్స్ కి దడ పుడుతుంది. టాలీవుడ్ లో భారీ ప్లాప్స్ తెరకెక్కించిన దర్శకుడిగా మెహర్ రమేష్ కి పేరుంది.

Pawan Kalyan about Chiranjeevi Meher Ramesh movie1

మెహర్ రమేష్ తెరకెక్కించిన శక్తి, కంత్రి, షాడో వంటి చిత్రాలు ఆల్ టైం డిజాస్టర్స్ అని చెప్పాలి. మరి అలాంటి దర్శకుడికి చిరు అవకాశం ఇవ్వడం అందరికీ వింతగా తోస్తుంది. మెహర్ రమేష్ తో చిరు మూవీ అనేది వట్టి పుకారే అని అందరూ కొట్టిపారేశారు. పవన్ తాజా ట్వీట్ లో మెహర్ కి కృతజ్ఞతలు తెలుపుతూ చిరంజీవితో మీరు చేస్తున్న మూవీకి ఆల్ ది బెస్ట్ అన్నారు. దీనితో మెహర్ రమేష్, చిరుతో మూవీ చేస్తున్నారన్న విషయం కన్ఫర్మ్ అయ్యింది.