పవన్ కళ్యాణ్ పై మరో సంచలన ఆరోపణ… వెనుకున్నది ఎవరు?

ప్రముఖ సినీ క్రిటిక్ కత్తి మహేష్ ఛాన్స్ దొరికినప్పుడల్లా పవన్ కళ్యాణ్ పై ఏదో ఒక కామెంట్ చేసి వివాదాలకు తెరలేపుతుంటాడు. చాలా సందర్భాల్లో పవన్ అభిమానులు కత్తి మహేష్ ను కొట్టడానికి కూడా రెడీ అయ్యారు. అయితే గత కొంత కాలం నుండీ పవన్ విషయంలో సైలెంట్ గా ఉన్న కత్తి మహేష్ ఇప్పుడు మరోసారి పవన్ పై వివాదాస్పద కామెంట్ చేశాడు. విషయంలోకి వెళితే… అమరావతిలో ‘జనసేన’ కోసం కట్టిన ఇంటి విషయంలో ఇప్పటికే విమర్శలు వచ్చిన టైములో ఇప్పుడు వాటిని మరింత బలోపేతం చేసేలా పవన్ హైదరాబాద్ ఇంటి గురించి కత్తి మహేష్ కొన్ని సంచలన కామెంట్లు చేశాడు. హైదరాబాద్ లో పవన్ ఇంటి విలువ 130 కోట్లు ఉంటుందంటూ అంటూ కత్తి మహేష్ ట్వీట్ చేసాడు.

ఇప్పుడు ఈ విషయం పై సోషల్ మీడియాలోనూ అలాగే ఫిలింనగర్లోనూ డిస్కషన్లు మొదలయ్యాయి. పవన్ రాజకీయ జీవితం పై బురద జల్లేలా కొన్ని అధికార పార్టీలు కావాలనే ఇలా కత్తి మహేష్ తో నెగిటివ్ కామెంట్స్ చేయిస్తున్నారని కొందరు అంటున్నారు. మరికొందరైతే కత్తి మహేష్ పేరుతో ఇంకెవరో ఇలా పవన్ పై నెగిటివ్ ట్వీట్ చేసారని చెప్పుకొస్తున్నారు. ‘జనసేన’ ఓటమి నుండీ ఇప్పుడిప్పుడే కోలుకుంటున్న.. పవన్ కళ్యాణ్ మరియు ఆయన అభిమానులని టార్గెట్ చేయడం నిజంగా బాధాకరమైన విషయమనే చెప్పాలి..!