ఎలాంటి సినీ నేపథ్యంలేని కుటుంబం నుంచి ఇండస్ట్రీలోకి అడుగుపెట్టి హిట్ ప్లాపులతో సంబంధం లేకుండా వరుస సినిమాల్లో నటిస్తూ ఇండస్ట్రీలో దూసుకుపోతున్న నాచురల్ స్టార్ నాని ప్రస్తుతం అంటే సుందరానికి సినిమా ద్వారా ఈ నెల 10వ తేదీన ప్రేక్షకుల ముందుకు రాబోతున్నారు. వివేక్ ఆత్రేయ దర్శకత్వంలో నాని మలయాళీ బ్యూటీ నజ్రియా నజీమ్ ప్రధాన పాత్రలో తెరకెక్కిన చిత్రం అంటే సుందరానికి.ఈ సినిమా 10 వ తేదీ విడుదల కావడంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు.
ఈ ప్రమోషన్ కార్యక్రమాలలో భాగంగా ఎన్నో ఇంటర్వ్యూలలో పాల్గొని పెద్ద ఎత్తున సినిమాపై అంచనాలను పెంచేశారు. ఇకపోతే ఈ సినిమా నుంచి విడుదలైన టీజర్ పెద్ద ఎత్తున ప్రేక్షకులను ఆకట్టుకుంది. ఈ సినిమాలో నాని బ్రాహ్మణ కుర్రాడి పాత్రలో నటించగా నజ్రియా క్రైస్తవ అమ్మాయి పాత్ర ద్వారా సందడి చేయనున్నారు. ఇకపోతే ఈ సినిమా విడుదల తేదీకి మరొక రోజు మాత్రమే మిగిలి ఉండడంతో ఈ సినిమా ప్రీ రిలీజ్ వేడుకను ఎంతో ఘనంగా నిర్వహించడానికి మేకర్స్ ఏర్పాటు చేశారు.
ఈ క్రమంలోనే ఈ సినిమా ప్రీ రిలీజ్ వేడుకలు జూన్ 9వ తేదీ హైదరాబాద్ లో ఘనంగా నిర్వహిస్తున్నట్లు నాని సోషల్ మీడియా వేదికగా వెల్లడించారు. ఇకపోతే ఈ కార్యక్రమానికి ముఖ్యఅతిథిగా పవర్ స్టార్ పవన్ కళ్యాణ్ హాజరు కానున్నట్టు నాని ట్విట్టర్ ద్వారా వెల్లడించారు. ఇక ఈ కార్యక్రమానికి పవన్ ముఖ్య అతిథిగా హాజరు అవుతున్నారు అంటే పవన్ అభిమానులు ఎంతో సంతోషం వ్యక్తం చేస్తున్నారు. నాని సినిమా కోసం పవన్ కళ్యాణ్ ముఖ్య అతిథిగా పాల్గొనడంతో నాని అభిమానుల సంతోషానికి అవధులు లేవు.
అయితే ఈ కార్యక్రమానికి పవన్ కల్యాణ్ హాజరు కానున్నారని తెలియడంతో మరి కొంతమంది ఈ కార్యక్రమంలో భాగంగా పవన్ కళ్యాణ్ ఏ విధమైనటువంటి రాజకీయ ప్రస్తావన తీసుకువస్తూ.. రాజకీయంగా ఎలాంటి దుమారాన్ని రేపుతారో అంటూ సందేహం వ్యక్తం చేస్తున్నారు. గతంలో పవన్ కళ్యాణ్ సాయి ధరమ్ తేజ్ నటించిన రిపబ్లిక్ సినిమా ప్రీ రిలీజ్ వేడుకలో ముఖ్య అతిథిగా పాల్గొని పెద్దఎత్తున రాజకీయాల గురించి ప్రస్తావిస్తూ వివాదాన్ని సృష్టించిన సంగతి మనకు తెలిసిందే.
Most Recommended Video
విక్రమ్ సినిమా రివ్యూ & రేటింగ్!
వెంకీ టు నితిన్… ఛాలెంజింగ్ పాత్రలు చేసిన 10 మంది హీరోల లిస్ట్
ప్రభాస్ టు నాని… నాన్ థియేట్రికల్ రైట్స్ రూపంలో భారీగా కలెక్ట్ చేసే హీరోలు..!
