Pawan Kalyan, Chiranjeevi: మెగాస్టార్ విశ్వంభరలో పవన్ ఆ రోల్ లో కనిపిస్తారా?

మెగాస్టార్ చిరంజీవి (Chiranjeevi) మల్లిడి వశిష్ట (Vassishta) కాంబినేషన్ లో తెరకెక్కుతున్న విశ్వంభర (Vishwambhara) సినిమాపై అంచనాలు పెరుగుతున్నాయి. ఈ సినిమా రిలీజ్ కు సరిగ్గా ఎనిమిది నెలల సమయం మాత్రమే ఉంది. ఈ సినిమాకు సంబంధించిన కీలకమైన సన్నివేశాల షూటింగ్ ఇప్పటికే పూర్తైంది. సినిమాలోని దాదాపుగా సగ భాగం సన్నివేశాలను పూర్తి చేశారని తెలుస్తోంది. చిరంజీవి మరోసారి సంక్రాంతి హీరో అనిపించుకుంటారని కామెంట్లు వ్యక్తమవుతున్నాయి. ఈ సినిమాలో పవర్ స్టార్ పవన్ కళ్యాణ్ (Pawan Kalyan)  గెస్ట్ రోల్ లో కనిపిస్తారని వార్తలు జోరుగా వినిపిస్తున్నాయి.

కొన్నిరోజుల క్రితం విశ్వంభర సెట్స్ లో చిరంజీవిని పవన్ కలిసిన నేపథ్యంలో ఈ కామెంట్స్ మొదలయ్యాయి. అయితే విశ్వంభర మేకర్స్ నుంచి మాత్రం ఇందుకు సంబంధించి క్లారిటీ రావాల్సి ఉంది. ప్రస్తుతం పవన్ కెరీర్ పరంగా బిజీగా ఉండటంతో ఈ వార్తలు నిజం కాదని అభిమానులు ఫీలవుతున్నారు. అయితే చిరంజీవి, పవన్ లలో ఎవరు తలచుకున్నా ఈ కాంబినేషన్ ను సిల్వర్ స్క్రీన్ పై చూడటం అసాధ్యం అయితే కాదు.

ఒకే ఫ్రేమ్ లో సిల్వర్ స్క్రీన్ పై ఈ హీరోలను చూసి చాలా కాలం అవుతుండటంతో ఫ్యాన్స్ ఈ కాంబో కోసం ఎదురుచూస్తున్నారు. విశ్వంభరలో విజువల్ ఎఫెక్స్ట్స్ కు కూడా ప్రాధాన్యత ఉంటుందని తెలుస్తోంది. విశ్వంభర సినిమా ఫైట్ సీన్స్ కూడా భారీ స్థాయిలో ప్లాన్ చేస్తున్నారు. విశ్వంభర సినిమా కోసం ఇతర ఇండస్ట్రీల అభిమానులు సైతం ఆసక్తిగా ఎదురుచూస్తున్నారు.

విశ్వంభర సినిమా కోసం ఆసక్తిగా ఎదురుచూస్తున్నామని అభిమానులు ఫీలవుతున్నారు. విశ్వంభర సినిమాలో త్రిష (Trisha) హీరోయిన్ గా నటిస్తుండగా ఈ సినిమా హిట్టైతే త్రిష రేంజ్ మరింత పెరిగే అవకాశం ఉంది. త్రిషను అభిమానించే ఫ్యాన్స్ సంఖ్య అంతకంతకూ పెరుగుతుండటం గమనార్హం.