‘సాహో’ తర్వాత ప్రభాస్ ‘జిల్’ ఫేమ్ రాధాకృష్ణ కుమార్ డైరెక్షన్లో ఓ చిత్రం చేస్తున్న సంగతి తెలిసిందే. ఇప్పటికే ఈ చిత్రం షూటింగ్ 20శాతం పూర్తయ్యింది. విదేశాల్లో వరుస షూటింగ్ ప్లాన్ చేసారు కానీ.. ఇప్పుడు లాక్ డౌన్ వల్ల విదేశాల్లో షూటింగ్ చేసే అవకాశం లేకపోవడంతో ఇక్కడే ఏ రామోజీ ఫిలింసిటీ లేదా రామోజీ ఫిలిం సిటీలో సెట్లు వేసి షూటింగ్ ఫినిష్ చెయ్యాలని భావిస్తున్నారు. ఇదిలా ఉంటే.. ‘ప్రభాస్ 21’ ను ‘మహానటి’ దర్శకుడు నాగ్ అశ్విన్ డైరెక్ట్ చేస్తున్న సంగతి కూడా తెలిసిందే.
అయితే ఇప్పుడు ‘ప్రభాస్ 22’ ఎవరితో అన్నది చర్చనీయాంశం అయ్యింది. ఇప్పుడు పవన్ కళ్యాణ్ తో ‘వకీల్ సాబ్’ తెరకెక్కిస్తున్న వేణుశ్రీరాం డైరెక్షన్లో ‘ప్రభాస్ 22’ ఉంటుందని టాక్ నడుస్తుంది. ఈ ప్రాజెక్ట్ ను దిల్ రాజు నిర్మించే అవకాశాలు కూడా ఉన్నాయని తెలుస్తుంది. అయితే దర్శకుడు వేణుశ్రీరాం చాలా రోజుల క్రితమే అల్లు అర్జున్ తో ‘ఐకాన్’ అనే చిత్రం చేయబోతున్నట్టు ప్రకటించాడు. ఆ ప్రాజెక్ట్ కు కూడా దిల్ రాజే నిర్మాత.
అయితే ఇంకా అనౌన్స్ చేసి ఏడాది దాటినా ఆ ప్రాజెక్ట్ ఇంకా సెట్స్ పైకి వెళ్ళలేదు. ఆ ప్రాజెక్ట్ నిలిచిపోయింది అనే టాక్ కూడా నడిచింది. అయితే ఆ ప్రచారంలో నిజం లేదని బన్నీ స్నేహితుడు బన్నీ వాస్ తెలిపాడు. పవన్ తర్వాత బన్నీ ‘ఐకాన్’ ఉంటుంది అనుకుంటే.. ఇప్పుడు ప్రభాస్ తో సినిమా అంటున్నారు. మరి బన్నీ సినిమా ఇంకా హోల్డ్ లో ఉండాల్సిందేనా..? ప్రభాస్ తో వేణు సినిమా ఉంటుందా? వట్టి పుకార్లేనా అన్నది దిల్ రాజే క్లారిటీ ఇవ్వాలి.
Most Recommended Video
దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు
