సహజంగా దర్శకులకు స్వేచ్ఛ ఇచ్చినప్పుడే సినిమా రిసల్ట్ బాగా వస్తుంది అని అందరికీ తెలిసిన విషయమే. ఆ కాలంలో తీసుకుంటే హీరోలే దర్శకులుగా మారి సినిమాలు తీసేవారు కానీ, హీరోగా ఒక సినిమా చేస్తున్నప్పుడు మాత్రం నటనను పక్కన పెట్టి దర్శకత్వం చేసేవారు కాదు. దర్శకత్వంపై ఇష్టం ఉన్న వాళ్ళు తామే దర్శకులుగా సినిమాలు తెరకెక్కించారు. అయితే ఇందంతా గతం, ఇప్పుడు రోజులు మారాయి…ఇప్పుడు ఏం జరుగుతుందో తెలుసా…బడా హీరోలు అందరూ దర్శాకుడు సిద్దం చేసిన కధల్లో చేతులు పెట్టి తమ సినిమాను తామే ఇబ్బందుల్లోకి నెట్టుకుంటున్నారు.
ఉదాహరణకి మన పవర్ స్టార్ పవన్ కల్యాణ్ విషయమే తీసుకుంటే ఆయనవి కొన్ని సినిమాలు ఎంతటి బ్లాక్ బష్టర్ అయ్యాయో అందరికీ తెలుసు అదే విధంగా మరికొన్ని ఎంతటి డిజాస్టర్ అయ్యాయో కూడా మనం చూశాం. హిట్స్ మాట పక్కన పెడితే…డిజాస్టర్స్ లో తాజా సినిమా సర్దార్ విషయమే తీసుకుందాం..ఈ సినిమాలో పవన్ దర్శకుడు బాబీని పక్కన పెట్టి తానే డైరెక్ట్ చేసేసాడు సినిమాని, కధలో ఎన్నో మార్పులు చేసి చివరకు ఫ్లాప్ సినిమా అందించాడు.
అయిపోయిండేదో అయిపోయింది అనుకుంటే ఇప్పుడు తాజా సినిమాలో కూడా అదే పరిస్థితి కనిపిస్తుంది…స్టార్ పవన్ కళ్యాణ్, యస్. జె. సూర్యతో కలసి ఒక సినిమా చేస్తున్న విషయం తెలిసిందే….ప్రస్తుతం ఈ సినిమా ప్రీ-ప్రొడక్షన్ పనులను జరుపుకుంటుంది. అయితే ఈ కథలో పవన్ కళ్యాణ్ కొన్ని మార్పులు చేశారని అంటున్నారు. పూర్తి కథని రెడీ చేసిన సూర్యకి, కళ్యాణ్ తన మార్పులతో షాక్ ఇచ్చాడని అంటున్నారు. ఇక దర్శకుడు కూడా కొన్నింటిని ఒకే ఓకీ చెప్పినా…కొన్నింటికి మార్పులు అవసరం లేదంటూ పవన్ కు చెప్పినట్లు సమాచారం…మరి ఈ మార్పుల ప్రభావం సినిమాకు కలసి వస్తుందో లేదో చూడాలి.
