పవర్ స్టార్ పవన్ కళ్యాణ్ ఇటీవల ‘వకీల్ సాబ్’ సినిమాను పూర్తి చేసిన సంగతి తెలిసిందే. ఈ సినిమా తరువాత క్రిష్ సినిమా సెట్స్ పైకి వెళ్తాడని అందరూ భావించారు. కానీ మధ్యలో మలయాళం సినిమా ‘అయ్యప్పనుమ్ కోశియుము’ రీమేక్ అంగీకరించడంతో.. ముందుగా ఈ సినిమాను పూర్తి చేస్తాడని అనుకున్నారు. క్రిష్ సినిమాను పవన్ పక్కన పెట్టాడని.. పెద్దగా ఇంటరెస్ట్ చూపించడం లేదని ఇలా చాలా వార్తలొచ్చాయి. ఈ మధ్య క్రిష్ కరోనా బారిన పడడంతో ఇక ఈ సినిమా ఇప్పట్లో పట్టాలెక్కదని అనుకున్నారు.
కానీ ఊహించని విధంగా ఈ సినిమాను సెట్స్ పైకి తీసుకెళ్లారు. పవన్ కళ్యాణ్ కూడా ఈ సినిమా షూటింగ్ లో జాయిన్ కాబోతున్నాడు. ఈ విషయాన్ని చిత్ర నిర్మాణ సంస్థ మెగా సూర్య ప్రొడక్షన్ ట్విట్టర్ లో వెల్లడించింది. సెట్లో తీసిన కొన్ని ఫోటోలను అభిమానులతో పంచుకున్నారు. అయితే ఈ ఫోటోలలో పవన్ ఎక్కడా కనిపించలేదు. ఈ సినిమాలో పవన్ లుక్ కొత్తగా ఉండబోతుంది. కాబట్టి ఆయన లుక్ కి సంబంధించి సెట్ నుండి ఎలాంటి ఫోటోలు బయటకి రాకుండా ఇప్పటినుండే జాగ్రత్త పడుతున్నారు.
ఈ సినిమా కోసం పవన్ పాతిక రోజుల పాటు కాల్షీట్లు ఇచ్చారని సమాచారం. సినిమా తీయడంలో క్రిష్ ఎంత స్పీడ్ గా ఉంటారో అందరికీ తెలిసిందే. మరి అనుకున్న సమయానికి సినిమాను పూర్తి చేస్తారేమో చూడాలి. ఏఎం రత్నం నిర్మిస్తోన్న ఈ సినిమాకి కీరవాణి సంగీతం అందిస్తున్నారు.
A great news to share with all of you, @PawanKalyan garu resumed shooting for @DirKrish‘s #PSPK27. More updates to follow! #AMRatnam @mmkeeravani
— Mega Surya Production (@MegaSuryaProd) January 11, 2021
Most Recommended Video
క్రాక్ సినిమా రివ్యూ & రేటింగ్!
ఈ 10 మంది సినీ సెలబ్రిటీలకు తల్లులు వేరైనా తండ్రులు ఒకరే..!
అల్లు అర్జున్ నుండి నాగ చైతన్య వరకు.. అందమైన స్టార్ కాపుల్స్.. సతీమణులే స్పెషల్ ఎట్రాక్షన్!
