27నుండి బొందిపోటు అవతారం ఎత్తనున్న పవన్

పవన్ కళ్యాణ్ నిన్న పింక్ మూవీ షూటింగ్ పాల్గొన్నారు. హైదరాబాద్ లో వేసిన ప్రత్యేక సెట్ లో హిందీ హిట్ మూవీ పింక్ రీమేక్ మొదటిరోజు చిత్రీకరణ జరుపుకుంది. దిల్ రాజు నిర్మాతగా దర్శకుడు వేణు శ్రీరామ్ తెరకెక్కిస్తున్న ఈ చిత్రంలో పవన్ కళ్యాణ్ లాయర్ పాత్ర చేస్తున్న సంగతి తెలిసిందే. ఐతే పవన్ రెండవ చిత్రం కూడా లైన్ లోకి వచ్చేసింది. టాలెంటెడ్ డైరెక్టర్ క్రిష్ దర్శకత్వంలో తెరకెక్కుతున్న కొత్త సినిమా షూటింగ్ నెల 27న మొదలుకానుంది. దీనికి సంబంధించిన అన్ని ఏర్పాట్లు పూర్తి అయ్యాయి. క్రిష్ తో పవన్ మూవీ చేస్తున్నారన్న వార్త కొద్ది నెలలుగా ప్రచారంలో ఉన్న సంగతి తెలిసిందే.

ఐతే పింక్ చిత్రం కొరకు పవన్ 10 నుండి 20 రోజుల డేట్స్ మాత్రమే ఇవ్వడం జరిగిందని తెలుస్తున్న తరుణంలో ఆయన పింక్ షూటింగ్ పూర్తయిన తరువాత లేదా కొంచెం గ్యాప్ తో క్రిష్ మూవీ మొదలుపెడతారు అనుకున్నారంత. కానీ దానికి విరుద్ధంగా పవన్ 27నే మరో మూవీ మొదలుపెట్టడం వెనుక ఆంతర్యం అర్థం కావడం లేదు. పాలిటిక్స్ లో యాక్టీవ్ గా ఉంటూనే ఒప్పుకున్న సినిమాలు పూర్తి చేయాలని భావిస్తున్నారని అనిపిస్తుంది. ఇక పవన్ నిన్న పింక్ మూవీ చిత్రీకరణలో పాల్గొన్నప్పటికీ గెటప్ మార్చలేదు . అదే గెడ్డం, జుట్టు ఆయన ఆ పాత్రకు వాడుకున్నారు. ఇక క్రిష్ మూవీలో ఆయన మొఘలుల కాలం నాటి బందిపోటు పాత్ర చేస్తున్నారట. ఎటూ బందిపోటు అంటే గడ్డం, తలపాగా వంటి సెటప్ ఉంటుంది. అందుకే పవన్ గడ్డం కూడా తీయలేదు అని అనిపిస్తుంది. ఏదిఏమైనా పవన్ స్పీడ్ చూస్తూనే 2024 ఎలక్షన్స్ వేడి మొదలయ్యేలోపు ఆరేడు సినిమాలు చేసిపారేశేలా ఉన్నాడు.

సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
ఎంత మంచివాడవురా సినిమా రివ్యూ & రేటింగ్!