Pawan Kalyan: గాడ్ ఫాదర్ ఈవెంట్ కు పవన్ రానట్టేనా.. అదే కారణమా?

September 23, 2022 / 08:14 PM ISTByFilmy Focus

Join Us

Pawan Kalyan: గాడ్ ఫాదర్ ఈవెంట్ కు పవన్ రానట్టేనా.. అదే కారణమా?

తెలుగు సినిమా ఇండస్ట్రీలో అగ్ర హీరోగా ఎంతో మంచి పేరు ప్రఖ్యాతలు సంపాదించుకున్న మెగాస్టార్ చిరంజీవి రీ ఎంట్రీ తర్వాత వరుస సినిమాలతో ఎంతో బిజీగా ఉన్నారు. ఈ క్రమంలోనే ఈయన మోహన్ రాజా దర్శకత్వంలో నటించిన గాడ్ ఫాదర్ సినిమా దసరా కానుకగా అక్టోబర్ 5వ తేదీ ప్రేక్షకుల ముందుకు రావడానికి సిద్ధమైంది. ఈ క్రమంలోనే పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఇకపోతే ఈ సినిమా ప్రీ రిలీజ్ వేడుకను ఎంతో ఘనంగా ప్లాన్ చేయాలనే నిర్వాహకులు భావిస్తున్నారు.

ఈ క్రమంలోనే ఈ వేడుకకు పవర్ స్టార్ పవన్ కళ్యాణ్ ముఖ్యఅతిథిగా హాజరవుతారు అంటూ వార్తలు రావడంతో పవన్ ఫ్యాన్స్ ఎంతో సంతోషం వ్యక్తం చేశారు. ఇలా ఒకే వేదికపై మెగాస్టార్ పవర్ స్టార్ ని చూడటం అంటే అభిమానులకు పండుగ అని చెప్పాలి. అయితే తాజా సమాచారం ప్రకారం పవన్ కళ్యాణ్ ఈ వేడుకకు హాజరు కాలేదని తెలుస్తోంది. పవన్ కళ్యాణ్ ప్రస్తుతం అమెరికా పర్యటనలో ఉన్నారు దసరా పూర్తయిన తర్వాతే ఈయన ఇండియాకి తిరిగి వస్తారు.

ఈ క్రమంలోనే పని నిమిత్తం అమెరికా పర్యటనలో ఉన్నటువంటి పవన్ కళ్యాణ్ ఈ వేడుకకు పిలవద్దని ఆయనని డిస్టర్బ్ చేయవద్దు అంటూ మెగాస్టార్ నిర్మాతలకు తెలియజేశారట. ఈ క్రమంలోనే నిర్మాతలు సైతం పవన్ కళ్యాణ్ ను ఈ వేడుకకు ఆహ్వానించడం లేదని తెలుస్తోంది. మెగాస్టార్ చిరంజీవి పిలిస్తే పవన్ కళ్యాణ్ ఎంత ముఖ్యమైన పని ఉన్న వదులుకొని రావడానికి సిద్ధంగా ఉంటారు.

అయితే పవన్ కళ్యాణ్ పనిని డిస్టర్బ్ చేయడం ఇష్టం లేనటువంటి చిరంజీవి ఆయనని ఈ వేడుకకు అతిథిగా ఆహ్వానించవద్దంటూ సూచించారని సమాచారం.ఇక పవన్ కళ్యాణ్ గురించి ఈ వార్త సోషల్ మీడియాలో వైరల్ కావడంతో అభిమానులు కాస్త నిరుత్సాహం వ్యక్తం చేశారు. మరి ఈ వార్తలలో ఎంతవరకు నిజము ఉందో తెలియాల్సి ఉంది.