పవర్ స్టార్ పవన్ కళ్యాణ్ ప్రస్తుతం వరుసగా క్రేజీ ప్రాజెక్ట్ లలో నటిస్తున్నారు. పవన్ నటిస్తున్న ఓజీ, ఉస్తాద్ భగత్ సింగ్, హరిహర వీరమల్లు సినిమాలపై మంచి అంచనాలు ఏర్పడ్డాయి. ఈ ఏడాది దసరా పండుగ కానుకగా ఈ సినిమా రిలీజ్ కానుందని ప్రచారం జరుగుతుండగా మేకర్స్ నుంచి అధికారికంగా క్లారిటీ రావాల్సి ఉంది. కొన్నిరోజుల క్రితం ఈ ప్రాజెక్ట్ చేతులు మారుతుందని జరుగుతున్న ప్రచారాన్ని మేకర్స్ ఖండించిన సంగతి తెలిసిందే.
మరోవైపు ఈ సినిమాకు భారీ స్థాయిలో బిజినెస్ ఆఫర్లు వస్తుండగా ఈ సినిమా కర్ణాటక రైట్స్ ఏకంగా 20 కోట్ల రూపాయల రేంజ్ లో అమ్ముడైనట్టు ప్రచారం జరుగుతోంది. ఓజీ సినిమాకు రికార్డ్ స్థాయిలో బిజినెస్ జరుగుతుండటం అభిమానులకు సైతం ఎంతో సంతోషాన్ని కలిగిస్తోంది. ఓజీ సినిమా ఇతర ఏరియాల హక్కులకు సైతం త్వరలో బిజినెస్ మొదలయ్యే అవకాశం అయితే ఉంది.
నాన్ థియేట్రికల్ హక్కులతోనే ఓజీ సినిమాకు 100 కోట్ల రూపాయల కంటే ఎక్కువ మొత్తం వచ్చే అవకాశాలు అయితే ఉన్నాయని అభిప్రాయాలు వ్యక్తమవుతున్నాయి. ఈ సినిమాకు పవన్ పారితోషికం 65 కోట్ల రూపాయలు కాగా సుజీత్ కు ఈ సినిమాతో కెరీర్ బిగ్గెస్ట్ హిట్ సొంతం కావడం ఖాయమని కొంతమంది నెటిజన్లు కామెంట్లు చేస్తున్నారు. ఓజీ సినిమాను పాన్ ఇండియా మూవీగా రిలీజ్ చేయాలని అభిమానులు ఫీలవుతున్నారు.
ఓజీ సినిమా (OG Movie) నుంచి ఇప్పటికే విడుదలైన గ్లింప్స్ కు మంచి రెస్పాన్స్ వచ్చిన సంగతి తెలిసిందే. ఓజీ మూవీలో పవన్ పర్ఫామెన్స్ వేరే లెవెల్ లో ఉండనుందని తెలుస్తోంది. పవన్ కళ్యాణ్ ను డైరెక్టర్ సుజిత్ మరింత స్టైలిష్ గా చూపించనున్నారని ఇండస్ట్రీ వర్గాల్లో వినిపిస్తోంది. ఓజీ మూవీకి సంబంధించి రాబోయే రోజుల్లో మరిన్ని క్రేజీ అప్ డేట్స్ వస్తాయేమో చూడాలి. ప్రియాంక అరుల్ మోహన్ ఈ సినిమాలో హీరోయిన్ గా నటిస్తున్నారు.
ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!
ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!
