గురు సినిమా తర్వాత వెంకటేష్, వరుణ్ తేజ్ తో కలిసి “ఎఫ్ 2 ” అనే సినిమాని చేస్తున్నారు. అనిల్ రావిపూడి తెరకెక్కిస్తున్న ఈ మూవీ వేగంగా షూటింగ్ జరుపుకుంటోంది. దీని తర్వాత బాబీ దర్శకత్వంలో మేనల్లుడు నాగ చైతన్యతో కలిసి ఓ చిత్రం చేయబోతున్నారు. ఇందుకు వెంకీ మామ అనే టైటిల్ అనుకున్నట్టు సమాచారం. దీని తర్వాత సినిమాకి కూడా వెంకటేష్ గ్రీన్ సిగ్నల్ ఇచ్చినట్టు తెలిసింది. మాటల మాంత్రికుడు త్రివిక్రమ్ శ్రీనివాస్ దర్శకత్వంలో ఓ మూవీ చేయనున్నట్టు టాక్. ప్రస్తుతం త్రివిక్రమ్ ఎన్టీఆర్ తో “అరవింద సమేత వీర రాఘవ” సినిమా చేస్తున్నారు. వచ్చే నెల 11 న ఈ మూవీ థియేటర్లోకి రానుంది. దీని తర్వాత వెంకీ మూవీ స్క్రిప్ట్ పనుల్లోకి దిగనున్నారు. ఈ చిత్రం గురించి ఓ విషయం బయటికి వచ్చింది.
అదేమిటంటే.. ఈ సినిమా కథని త్రివిక్రమ్ మొదట పవన్ కళ్యాణ్ కి వినిపించారంట. పవన్ కూడా చేయడానికి ఒకే చెప్పినట్లు సమాచారం. అయితే ఎన్నికలు దగ్గర పడడం, జనసేన పార్టీ ని బలోపేతం చేయడం వంటి కారణాలతో సినిమా రంగానికి కాసేపు బ్రేక్ ఇచ్చి రాజకీయాల్లో బిజీ అయిపోయారు. ఆ కథనే వెంకీకి వినిపించారని ఫిలిం నగర్ వాసులు చెప్పారు. ఆ కథకి వెంకటేష్ వెంటనే ఒకే చెప్పడంతో త్రివిక్రమ్ పని సులభం అయింది. గతంలో వెంకటేష్ సినిమాలకు త్రివిక్రమ్ మాటలను అందించారు. అవి సూపర్ హిట్ అయ్యాయి. ఇప్పుడు మళ్ళీ ఈ కాంబోలో రానున్న మూవీపై క్రేజ్ మామూలుగా ఉండదు.
