పవర్ స్టార్ పవన్ కళ్యాణ్ మొత్తానికి భీమ్లా నాయక్ సినిమాతో బాక్సాఫీస్ వద్ద మంచి విజయాన్ని అందుకునే విధంగా ముందుకు వెళుతున్నాడు. ఈ సినిమా మూడు రోజుల్లోనే 60 కోట్లకు పైగా షేర్లు అందుకుని నిర్మాతలు ఒక మంచి నమ్మకం ఏర్పరచింది. ఇక సోమవారం ఈ సినిమాకు అసలు పరీక్ష మొదలుకానుంది. సినిమా 108 కోట్ల టార్గెట్ ను ఎన్ని రోజులు పూర్తి చేస్తుంది అనే విషయం కూడా ఇండస్ట్రీలో చర్చనీయాంశంగా మారింది.
సోమవారం కలెక్షన్స్ ని బట్టి పరిస్థితి ఏమిటి అనేది చాలా క్లియర్ గా అర్థం అవుతుంది. అయితే పవన్ కళ్యాణ్ మళ్ళీ ఎలక్షన్స్ లో బిజీ అవ్వడం కంటే ముందే వీలైనన్ని ఎక్కువ సినిమాలు చేసి ఆర్థికంగా నిలదొక్కుకోవాలని ప్రయత్నం చేస్తున్నాడు. ఇక ఇప్పటికే వకీల్ సాబ్ భీమ్లా నాయక్ రెండు కూడా రీమేక్ సినిమాలు కాగా మరో రెండు రీమేక్ సినిమాలను కూడా పవన్ కళ్యాణ్ లైన్ లో పెడుతూ ఉండడం విశేషం.
సముద్రఖని దర్శకత్వంలో ఒక తమిళ సినిమాను రీమేక్ చేసే అవకాశం ఉన్నట్లు ఇండస్ట్రీలో టాక్ వినిపిస్తున్న విషయం తెలిసిందే. అలాగే మరో తమిళ సినిమా రీమేక్ పై కూడా పవన్ కళ్యాణ్ ని చర్చలు జరిపినట్లు సమాచారం. కోలీవుడ్ ఇండస్ట్రీలో విజయ్ నటించిన తెరి సినిమా తెలుగులో కూడా రీమేక్ చేయనున్నట్లుగా గతంలో చాలా రకాల కథనాలు వెలువడ్డాయి. ఆ సినిమాను తమిళంలో అట్లీ దర్శకత్వం వహించగా అందులో విజయ్ పోలీస్ పాత్రలో కనిపించాడు.
ఇక మరోసారి పవన్ పోలీస్ పాత్రలో కనిపిస్తే బాగుంటుంది అని పవన్ కళ్యాణ్ సన్నిహితులు సలహా ఇచ్చారట. డివివి దానయ్య నిర్మాతగా ఆ సినిమా తెరపైకి వచ్చే అవకాశం ఉన్నట్లు సమాచారం. వచ్చే ఏడాది షూటింగ్ పనులు కూడా మొదలవుతాయి అని కథనాలు వెలువడుతున్నాయి. మరి ఇది ఎంతవరకు నిజమో తెలియాలంటే అఫీషియల్గా క్లారిటీ వచ్చే వరకు ఆగాల్సిందే.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
