‘ఖుషి’ సినిమా పేరు చెప్పగానే చాలా సీన్లు గుర్తొస్తాయి. అయితే వాటిలో ఓ సీన్‌ మాత్రం చాలా ప్రత్యేకం. అదే పవన్‌ కల్యాణ్‌ ఇంట్రక్షన్‌ సీన్‌. మామూలుగా అయితే స్టార్‌ హీరో సినిమాల్లో హీరో ఇంట్రడక్షన్‌ ఓ పెద్ద బ్యాంగ్‌తో వస్తుంది. క్లోజప్‌ షాట్‌, బ్రైట్‌ స్మైల్‌ ఇలా కొన్ని లెక్కలుంటాయి. కానీ ‘ఖుషి’ సినిమాలో అలా ఉండదు. ఓ లాంగ్‌ షాట్‌లో పవన్‌ కల్యాణ్‌ ధ్యానం చేసుకున్నట్లుగా ఉంటుంది. ఇప్పుడు ఆ సినిమా గురించి ఎందుకు అంటున్నారా? ఆ సీన్‌కి, ‘ఓజీ’ సినిమాకు లింక్‌ ఉంది కాబట్టి.
పవన్‌ కల్యాణ్‌ – సుజీత్‌ కాంబినేషన్‌లో రూపొందుతున్న చిత్రం ‘ఓజీ’. ఇది వర్కింగ్‌ టైటిలే కానీ.. దీనినే ఫైనల్‌ చేయొచ్చు అంటున్నారు. అయితే ‘దే కాల్ హిమ్‌ ఓజీ’ అని ఉండొచ్చు. ఈ విషయం పక్కనపెడితే ఈ సినిమా షూటింగ్ ప్రస్తుతం పుణెలో ఫుల్‌ స్వింగ్‌లో జరుగుతోంది. ఈ క్రమంలో సెట్‌లో తీసిన ఓ పిక్‌ ఇప్పుడు సోషల్‌ మీడియాలో వైరల్‌గా మారింది. అంతలా స్పెషల్‌ అందులో ఏముంది అనే డౌట్‌ రావొచ్చు. ఆ విషయం చెప్పే ముందు అసలు విషయం చెప్పాలి. పవన్‌ కల్యాణ్‌ ట్విటర్‌ అకౌంట్‌లో ఆ ఫొటో షేర్‌ చేశారు.
అవును, మీరు చదివింది కరెక్టే. (Pawan Kalyan) పవన్‌ కల్యాణ్‌ ట్విటర్‌లో ఇప్పటివరకు సినిమా సమాచారం ఏమీ లేదు. ఇదే తొలి సమాచారం. దీంతో పవన్‌ ఫ్యాన్స్‌ ఫుల్‌ ఖుష్‌ అవుతున్నారు. గతంలో పవన్‌ ఓ సందర్భంలో పొలిటికల్‌ అప్‌డేట్స్‌కి మాత్రమే ఆ ఖాతా అన్నాడు కదా.. ఇప్పుడెలా చేశాడు అనే డౌట్‌ రావొచ్చు. అయితే సినిమా పోస్ట్‌లోనూ పొలిటికల్‌ టచ్‌ ఉంది. ఆ ఫొటో తీయడానికి కారణం కూడా అదే. సినిమా షూటింగ్ సెట్‌లో ఓ అభిమాని వచ్చి జనసేన జెండాతో నిలబడ్డాడు.
అది చూసి మహారాష్ట్రలో కూడా జనసైనికులు ఉన్నారు అని చెప్పే ప్రయత్నం ఆ ఫొటో. అక్కడి వాయి లేక్ వద్ద ‘ఓజీ’ షూటింగ్ జరుపుకుంటున్న విషయాన్ని చెబుతూ.. ఇక్కడ ఉన్న కొంతమంది తూర్పు గోదావరికి చెందిన జనసైనికులు కలిసినట్లు తెలిపారు. అయితే ఆ ఫొటోలో పవన్‌ మార్షల్‌ ఆర్ట్స్‌ నేపథ్యం డ్రెస్‌లో కనిపించారు. ఆ లుక్‌ అచ్చంగా ‘ఖుషి’లో ఇంట్రక్షన్‌ లుక్‌లా ఉంది.
రామబాణం సినిమా రివ్యూ & రేటింగ్!
ఉగ్రం సినిమా రివ్యూ & రేటింగ్!
గుడి కట్టేంత అభిమానం.. ఏ హీరోయిన్స్ కు గుడి కట్టారో తెలుసా?
ఇంగ్లీష్ లో మాట్లాడటమే తప్పా..మరి ఇంత దారుణంగా ట్రోల్స్ చేస్తారా?
