అన్నయ్య చిరంజీవి ని ఉద్దేశించి పవన్ చేసిన వ్యాఖ్యలు సంచలనంగా మారాయి. చిరంజీవి నా అన్నయ్య అయినప్పటికీ మా అమ్మ పెట్టిన అన్నం తిని పెరిగాను. అలాగే చిరంజీవి నా ముఖం పెట్టుకొని, నా బదులు నటించలేదు అన్నారు. నేను తెచ్చుకున్న ఈ పేరు ప్రఖ్యాతులు, ఇమేజ్ కేవలం నా స్వయం కృషి మాత్రమే అందులో మా అన్నయ్య చిరంజీవి ప్రమేయం ఏమిలేదన్నట్లు ఆయన చెప్పుకొచ్చారు. రాజకీయ విమర్శలలో భాగంగా చిరంజీవి అనే వ్యక్తి లేకపోతే ఈ పవన్ కళ్యాణ్ ఎవరు అని అనేక మంది పవన్ కళ్యాణ్ పై చేస్తున్న మాటల దాడికి సమాధానంగా పవన్ ఇలా మాట్లాడారు. అసలు చిరంజీవి లేకపోతే మాత్రం నేను ఎదిగేవాడిని కాదా…? అన్నట్లు ఆయన మాట్లాడటం ఆసక్తిని రేపుతోంది.
గతంలో అనేక వేదికలపై పవన్ కళ్యాణ్… అన్నా వదినలు నాకు మాతాపితృ సమానులు అని చెప్పారు. మానసికంగా కృంగిపోయి, విపరీత ఆలోచనలు చేస్తున్న సమయంలో వారిద్దరూ ధైర్యం చెప్పి, నన్ను మార్చారని చెప్పుకొచ్చారు. అలాంటి పవన్ ఇప్పుడు రాజకీయాల కోసం అన్నయ్య చిరుని ఒకింత కించపరిచేలా మాట్లాడటం మెగా అభిమానులలో కొందరిని హర్ట్ అయ్యేలా చేసింది. పవన్ నా గొప్పతనం లేకుండా నేను పెద్దవాడిని అయ్యానా అని సమర్ధించుకొనే క్రమంలో చిరుపై ఇలాంటి వ్యాఖ్యలు చేయడం శోచనీయం. ఇక పవన్ కళ్యాణ్ హీరోగా తెరకెక్కుతున్న పింక్ తెలుగు రిమేక్ చిత్రీకరణ జరుపుకుంటుంది.వేణు శ్రీరామ్ దర్శకత్వం వహిస్తుండగా, దిల్ రాజు నిర్మిస్తున్నాడు.
డిస్కో రాజా సినిమా రివ్యూ & రేటింగ్!
సరిలేరు నీకెవ్వరు సినిమా రివ్యూ & రేటింగ్!
అల వైకుంఠపురములో సినిమా రివ్యూ & రేటింగ్!
