పవన్ కళ్యాణ్ ప్రస్తుతం త్రివిక్రమ్ శ్రీనివాస్ దర్శకత్వంలో సినిమా చేస్తున్నారు. అజ్ఞాతవాసి అనే టైటిల్ పరిశీలిస్తున్నఈ సినిమా సంక్రాంతికి రిలీజ్ కానుంది. పెద్ద పండుగకు తన సినిమా రంగస్థలం 1985 సినిమాని రిలీజ్ చేయాలనీ రామ్ చరణ్ అనుకున్నారు. కానీ బాబాయ్ కోసం వెనక్కి తగ్గారు. డిసెంబర్ లోనే తన సినిమా విడుదల చేయడానికి డిసైడ్ అయ్యారు. అబ్బాయ్ త్యాగానికి బాబాయ్ మురిసిపోయారు. స్వయంగా చరణ్ సినిమాకి బూస్ట్ ఇవ్వడానికి రంగంలోకి దిగారు.
రంగస్థలం 1985 సినిమా టీజర్ ని దసరాకి రిలీజ్ చేయడానికి ఒకే చెప్పారు. అప్పుడు అత్యవసర పనులు ఏమి లేకుంటే చెర్రీ సినిమాకి టైమ్ కేటాయించనున్నట్లు ఫిలిం నగర్ వాసులు చెబుతున్నారు. సుకుమార్ దర్వకత్వంలో రూపుదిద్దుకుంటున్న ఈ మూవీ ఎక్కడా కాంప్రమైజ్ కాకుండా షూట్ చేస్తున్నారు. ఇందులో చరణ్ లుక్, పాతికేళ్ల నాటి కథ, సమంత హీరోయిన్ గా నటిస్తుండడం అనే అంశాలు ఆసక్తి కలిగిస్తున్నాయి. ఇప్పుడు ఈ సినిమా టీజర్ పవన్ రిలీజ్ చేస్తే క్రేజ్ పెరిగిపోనుంది.
