‘పటాస్’ తో మిస్సయింది కానీ ‘సరిలేరు నీకెవ్వరు’ తో మిస్సవ్వదు..!

‘పటాస్’ సినిమాతోనే తాను ఏ రేంజ్ డైరెక్టరో ప్రూవ్ చేసుకున్నాడు అనిల్ రావిపూడి. ఆ తరువాత వచ్చిన ‘సుప్రీమ్’ ‘రాజా ది గ్రేట్’ చిత్రాలతో హ్యాట్రిక్ కూడా కంప్లీట్ చేసేసాడు. ఇక ‘ఎఫ్2’ తో అయితే బిగ్గెస్ట్ బ్లాక్ బస్టర్ అందుకున్నాడు. మీడియం హీరోలతోనే ఈ రేంజ్ బ్లాక్ బస్టర్స్ అందుకున్న అనిల్ రావిపూడి ఓ స్టార్ హీరోని డైరెక్ట్ చేస్తే ఏ రేంజ్లో ఉంటుందా అని అంతా అనుకున్నారు. ఈ క్రమంలో మహేష్ తో సినిమా చేసే ఛాన్స్ కొట్టేసాడు. ‘సరిలేరు నీకెవ్వరు’ అనే టైటిల్ తోనే మంచి మాస్ అప్పీల్ తెప్పించాడు.

విజయశాంతి రీ ఎంట్రీ ఇవ్వడం.. పక్కా కమర్షియల్ ఎలిమెంట్స్ తో మహేష్ నుండీ వస్తున్న సినిమా కావడంతో భారీ అంచనాలు నెలకొన్నాయి. వాటికి తగ్గట్టే అనిల్ ఈ చిత్రాన్ని తెరకెక్కిస్తున్నాడట. తన స్నేహితుడు హరీష్ శంకర్.. పవన్ కళ్యాణ్ కు ‘గబ్బర్ సింగ్’ ఎలా ఇచ్చాడో.. మహేష్ కు అనిల్ రావిపూడి అదే స్థాయిలో హిట్ ఇవ్వడం గ్యారంటీ అని ఇన్ సైడ్ టాక్. ‘పటాస్’ సినిమా సంక్రాంతికి వస్తే పెద్ద బ్లాక్ బస్టర్ అయ్యేదని అప్పట్లో చాలా మంది అభిప్రాయపడ్డారు. ‘ఎఫ్2’ సినిమాతో కూడా అనిల్ రావిపూడి సంక్రాంతికి పెద్ద బ్లాక్ బస్టర్ ఇచ్చాడు. సో ఈసారి ‘సరిలేరు నీకెవ్వరు’ కచ్చితంగా వాటికి మించి ఉంటుందని… సంక్రాంతి డైరెక్టర్ అని అనిల్ రావిపూడి ప్రూవ్ చేసుకోవడం ఖాయమని కొందరు విశ్లేషకులు చెప్పుకొస్తున్నారు. మరి ఈ మాటల్లో ఎంతవరకూ నిజముందో జనవరి 12 కి తెలిసిపోతుంది.

మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!