మలయాళంలో బ్లాక్ బస్టర్ గా నిలిచిన ‘అయ్యప్పనుమ్ కోషియుమ్’ సినిమాను తెలుగులో రీమేక్ చేస్తోన్న సంగతి తెలిసిందే. ఇందులో పవన్ కళ్యాణ్ ఒక హీరోగా నటించనున్న విషయాన్ని కొన్నిరోజుల క్రితం అనౌన్స్ చేశారు. సెకండ్ హీరోగా రానా నటించనున్నట్లు వార్తలు వచ్చాయి. తాజాగా ఈ విషయాన్ని చిత్రబృందం వెల్లడించింది. ఒరిజినల్ వెర్షన్ లో నటుడు బిజు మీనన్ పోషించిన పోలీస్ ఆఫీసర్ పాత్రలో పవన్ కనిపించనుండగా.. పృథ్వీరాజ్ చేసి ఎక్స్ ఆర్మీ పాత్రలో రానా నటించనున్నాడు.
అయితే ఒరిజినల్ వెర్షన్ తో తెలుగులో హీరోల ఇమేజ్ పాత్రల విషయంలో కాస్త అడ్డంకిగా మార్చే ఛాన్స్ కనిపిస్తోంది. మలయాళంలో పృథ్వీరాజ్ స్టార్ హీరో. బిజు మీనన్ ఎక్కువగా క్యారెక్టర్ ఆర్టిస్ట్, విలన్ పాత్రలే చేశాడు. కానీ పృథ్వీ ఎలాంటి ఈగోలు లేకుండా కథ ప్రకారం బిజు మీనన్ చేతిలో దెబ్బలు తినే పాత్రలో నటించాడు. ఇక్కడ పవన్ చేతిలో రానా దెబ్బలు తినే విషయంలో పెద్దగా అభ్యంతరం లేకపోవచ్చు. ఒరిజినల్ వెర్షన్ ప్రకారం పవన్ కూడా రానా చేతిలో దెబ్బలు తినాల్సి ఉంటుంది.
అలాంటి సన్నివేశాలను పవన్ అభిమానులు ఒప్పుకుంటారా అనేది ప్రశ్నార్థకంగా మారింది. రానా కంటే పవన్ కళ్యాణ్ వయసులో పెద్దవాడు. పైగా అతడి ఇమేజ్ కూడా చాలా ఎక్కువ. ఈ నేపథ్యంలో ఒరిజినల్ వెర్షన్ లో ఉన్న సన్నివేశాలు ఉన్నది ఉన్నట్లుగా తీస్తారా..? లేక పవన్ ఇమేజ్ ను దృష్టిలో ఉంచుకొని మార్పులు చేస్తారా..? అనేది ఆసక్తికరంగా మారింది.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
