పవర్ స్టార్ పవన్ కళ్యాణ్ కి అత్యంత ఇష్టమైన నాయకుడు చెగువేరా. ఆయన వ్యవహారశైలిని ఫాలో అవుతుంటాడు కూడా. అందుకే పవన్ కళ్యాణ్ అభిమానులందరూ పవన్ ను చేగువేరాతో పోలుస్తుంటారు. ఇవాళ ఉదయం పవన్ కళ్యాణ్ తన కూతురు పోలినా అంజనీ, తనకిష్టమైన చేగువెరా మైనపు బొమ్మ పక్కన నిలుచుని అచ్చం విగ్రహాన్ని అనుసరిస్తున్న ఫోటోను తన ట్విట్టర్ లో పోస్ట్ చేసి.. తన కాలేజ్ డేస్ ను తలచుకొన్నాడు.
తాను నెల్లూరు విఆర్ కాలేజీ లో ఇంటర్ మీడియట్ మొదటి సంవత్సరం చదువుతున్నప్పటి నుంచి చేగువేరా గురించి సాహిత్యాన్ని చదువుతున్నానని ఏదో ఒక రూపంలో ఆయన జ్ఞాపకాలు తనను వెంటాడుతూనే ఉన్నాయని అందులో పేర్కొనడం విశేషం. పవన్ కూతురు తీసుకున్న ఈ పిక్ ఇటీవలే రష్యా వెళ్ళినప్పుడు సెయింట్ పీటర్ బర్గ్ మ్యూజియం లో తీసుకున్నదని పవన్ కళ్యాణ్ వివరించాడు.
