ఆర్ ఎక్స్ 100 అమ్మాయికి తప్పని క్యాస్టింగ్ కౌచ్ తిప్పలు

కెరీర్ మొదట్లో కొందరు దర్శకనిర్మాతలు హీరోయిన్లుగా అవకాశం ఇప్పిస్తామనే పేరుతో వాడుకోవడానికి ప్రయత్నించడం లేదా అవకాశం ఇచ్చామనే అధికారంతో తమ సినిమాలో నటించే అమ్మాయిని తమ కోరికలు తీర్చమని కోరడం అనేది అనాధిగా వస్తున్న దరిద్రపుగొట్టు ఆచారం. ఈ దరిద్రం కారణంగానే మన తెలుగమ్మాయిలు ఇండస్ట్రీకి రావాలంటే వాళ్ళు మాత్రమే కాదు వాళ్ళ తల్లిదండ్రులు కూడా భయపడుతున్నారు. అయితే.. ఇదంతా కేవలం కెరీర్ ప్రారంభ దశలో హీరోయిన్లు ఎదుర్కొనే సమస్యేనని చాలామంది కొట్టిపాడేస్తుంటారు. ఒక్కసారి సక్సెస్ సొంతం అయ్యి, కాంటాక్ట్స్ పెరిగాయంటే ఎవరికీ తలోగ్గాల్సిన అవసరం ఉండదనేది కొందరి థియరీ.

అయితే.. ఆ థియరీ అన్నీసార్లు వర్కవుట్ అవ్వదు అని ఎప్పటికప్పుడు ప్రూవ్ అవుతూనే ఉంది. అందుకు తాజా నిదర్శనం ఆర్.ఎక్స్ 100 హీరోయిన్ పాయల్ రాజ్ పుట్ ఎదుర్కొన్న కొత్త అనుభవం. పరిచయ చిత్రంతోనే సెన్సేషన్ క్రియేట్ చేసిన పాయల్ కి సినిమా సక్సెస్ అనంతరం వరుస ఆఫర్లు క్యూ కట్టాయి. అయితే.. పాయల్ ని రీసెంట్ గా కలిసిన ఒక ప్రొడ్యూసర్ “ఆఫర్ ఇస్తాను కానీ కమిట్ మెంట్ ఇవ్వాలి” అన్నాడట. దాంతో షాక్ అయ్యింది పాయల్. ఇంత పెద్ద హిట్ కొట్టిన తర్వాత కూడా ఆఫర్ల కోసం కమిట్ మెంట్ అడగడం ఏమిటని షాక్ అయ్యింది. పాపం కొత్త కాబట్టి షాక్ అవుతుంది కానీ.. త్వరలోనే ఈ తరహా మాటలకి, ఆఫర్లకి అలవాటు పడిపోతుందిలే అంటున్నారు కొందరు.