“ఆర్ ఎక్స్ 100” సాధించిన విజయంలో హీరో కార్తికేయ నటన, కండలు మరియు దర్శకుడి ప్రతిభ పోషించిన పాత్ర కంటే ఇందు పాత్రలో పాయల్ ఆరబోసిన అందాలే కీలకం అనేది అందరు ఒప్పుకోవాల్సిన నిజం. ఆ సినిమాతో అమ్మడు సంపాదించిన స్టార్ డమ్, క్రేజ్ చూసి బడా స్టార్ హీరోయిన్లు సైతం విస్తుబోయారు. సినిమాల కంటే షాప్ ఓపెనింగ్స్ తోనే పాయల్ లైఫ్ సగం సెటిల్ అయిపోయింది. ఆ స్థాయిలో “ఆర్ ఎక్స్ 100” ఆమె కెరీర్ పై ప్రభావం చూపింది. అయితే.. ఆ సినిమా అనంతరం ఆమె ఐటెమ్ సాంగ్ చేసిన “సీత”, హీరోయిన్ గా నటించిన “ఆర్ డి ఎక్స్ లవ్” సినిమాలు డిజాస్టర్లుగా నిలవడంతో.. ఆమె క్రేజ్ తగ్గకపోయినా మార్కెట్ వేల్యూ మాత్రం పడిపోయింది.
అందుకే ఈ శుక్రవారం విడుదలవుతున్న “వెంకీ మామ” సినిమాపై చాలా ఆశలు పెట్టుకొంది పాయల్. ఈ సినిమాలో అమ్మడు హిందీ టీచర్ గా నటిస్తోంది. వెంకీ-పాయల్ ల కెమిస్ట్రీ కంటే కామెడీ బాగా పండిందని సమాచారం. దాంతో ఈ సినిమా హిట్ అయితే పాయల్ కెరీర్ కి బాగా ప్లస్ అవుతుంది. అందుకే ఈ సినిమా కోసం ఎన్నడూలేని విధంగా తనకు వీలైనంతలో భీభత్సంగా ప్రమోట్ చేస్తుంది పాయల్.
24 గంటల్లో హైయెస్ట్ వ్యూస్ అండ్ లైక్స్ సాధించిన లిరికల్ సాంగ్స్ ఇవే!
30 సౌత్ ఇండియన్ హీరోయిన్లు మరియు వారి చైల్డ్ హుడ్ పిక్స్!
