ఈ మధ్యకాలంలో అదీ అతితక్కువ సమయంలో మంచి క్రేజ్ సంపాదించుకున్న హీరోయిన్ పాయల్ రాజ్ పుత్ . ‘ఆర్ ఎక్స్ 100’ చిత్రంలో ఓ రేంజ్లో అందాల ఆరబోత పోసి కుర్రకారుని నిద్ర లేకుండా చేసింది. అంతే కాదు ఆ చిత్రంలో నెగటివ్ రోల్ లో తన నటనతో ప్రేక్షకుల్లో కూడా తనదైన ముద్ర వేసింది. నటన పరంగా కూడా మార్కులు కొట్ట్టేయడంతో ఆమె పై దర్శక నిర్మాతల దృష్టి పడింది. ఒక్క తెలుగులోనే కాదు తన మాతృభాష అయిన పంజాబీలోనూ .. అలాగే తమిళంలో కూడా సినిమాలూ చేస్తూ బిజీగా గడుపుతుంది.
ప్రస్తుతం టాలీవుడ్లో వెంకటేష్ సరసన ‘వెంకీమామ’ చిత్రంలో నటిస్తూనే, రవితేజ హీరోగా నటిస్తున్న ‘డిస్కోరాజా’ లో కూడా హీరోయిన్ గా నటిస్తుంది. ఇక నాగార్జున ‘మన్మథుడు 2’, బాలయ్య ‘రూలర్’ చిత్రాల్లో కూడా ఈమె నటిస్తున్నట్టు వార్తలు వస్తున్నాయి. ఇలా వరుస ఆఫర్లు రావడంతో ఆమె రెమ్యూనరేషన్ కూడా పెంచేసిందట. ఇప్పటివరకూ 30 నుండీ 40 లక్షలు తీసుకునే పాయల్.. ఇప్పుడు 75 లక్షల వరకూ పెంచేసింది సమాచారం. పాయల్ ఇలా డిమాండ్ చేయడంతో దర్శక నిర్మాతలు ఆలోచనలో పడ్డారని తెలుస్తుంది. ఇటీవల విడుదలైన ‘సీత’ చిత్రంలో కూడా ఓ ఐటెం సాంగ్లో కనిపించింది పాయల్. సినిమా ప్లాప్ అయినప్పటికీ ఈ సాంగ్ మాత్రం బాగా ఫేమస్ అయ్యింది. దీంతో మాస్ ఆడియన్స్ లో కూడా ఆమెకు మంచి క్రేజ్ ఏర్పడింది.
Home