బుల్లితెరపై నెంబర్ వన్ రియాలిటీ షోగా దూసుకుపోతుంది బిగ్ బాస్ షో. ఇందులో పాల్గొనాలని చాలా మంది ఆశ పడుతుంటారు. కొందరు మాత్రం బిగ్ బాస్ హౌస్ లోకి వెళ్లేదే లేదంటూ ఫిక్సయి ఉంటారు. ఈ షోతో పాపులర్ అయిన చాలా మంది టీవీ, సినిమా అవకాశాలతో బిజీ అయ్యారు. ఇప్పటికే తెలుగులో బిగ్ బాస్ షో నాలుగు సీజన్లను పూర్తి చేసుకుంది. ఈ నాలుగు సీజన్లకు కూడా ప్రేక్షకుల నుండి మంచి రెస్పాన్స్ వచ్చింది. ఇప్పుడు ఐదో సీజన్ కోసం సన్నాహాలు చేస్తున్నారు.
ముప్పై మంది సెలబ్రిటీలతో లిస్ట్ తయారు చేశారని అందులో 16 మందిని ఫైనల్ చేయనున్నట్లు తెలుస్తోంది. ఇప్పటికే బిగ్ బాస్ నిర్వాహకులు జూమ్ కాల్ ద్వారా సెలబ్రిటీలను ఇంటర్వ్యూలు చేస్తున్నారు. ఈ క్రమంలో ‘ఆర్ఎక్స్ 100’ హీరోయిన్ పాయల్ రాజ్ పుత్ ను ఈ షో కోసం సంప్రదించారని.. ఆమె బిగ్ బాస్ షోలో ఎంట్రీ ఇవ్వబోతుందని వార్తలు వచ్చాయి. అయితే తాజాగా ఈ వార్తలపై పాయల్ ట్విట్టర్ వేదికగా స్పందించింది.
తాను బిగ్ బాస్ షోలో పాల్గొనడం లేదని క్లారిటీ ఇచ్చింది. ఇదొక ఫేక్ న్యూస్ అని తేల్చి చెప్పింది. ఇలాంటి వార్తల్లోకి తనను లాగొద్దని కోరుతూ ట్వీట్ చేసింది. ఇది చూసిన ఆమె అభిమానులు మంచి నిర్ణయమని.. ఫ్యూచర్ లో కూడా ఈ షోకి వెళ్లొద్దంటూ సలహాలు ఇస్తున్నారు. ఇక పాయల్ కెరీర్ విషయానికొస్తే.. ఆమె తెలుగులో చివరిగా నటించిన చిత్రం ‘అనగనగా ఓ అతిథి’. ప్రస్తుతం తమిళంలో ఓ సినిమాలో నటిస్తోంది.
I’m not going to be a part of Big boss 5 telugu .
It’s a fake news 🙏🏻 .. it’s a humble request plz don’t drag such rumours! #bigbosstelugu5— paayal rajput (@starlingpayal) June 10, 2021
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
