హీరోయిన్ ఓరియెంటెడ్‌ సినిమా అంటే ఠక్కున గుర్తొచ్చే పేరు విజయశాంతి. ఆమె స్వింగ్‌లో ఉన్న రోజుల్లో చేసిన సినిమాలు అలాంటివి మరి. అందులోనూ ఇప్పటిలాంటి చారిత్రక నేపథ్యం ఉన్నవో, దెయ్యాలు- ఆత్మలు నేపథ్యంలో వచ్చిన సినిమాలు కావవి. ఆమె కోసమే దర్శకులు కథలు సిద్ధం చేసేవారు. హీరోలకు సమానంగా పాత్రలు సిద్ధం చేసేవారు. పోలీసు పాత్రలు అందులో భాగమే. ఆమె తర్వాత అలాంటివాళ్లు తెలుగు పరిశ్రమలో పెద్దగా కనిపించలేదనే చెప్పాలి. గత కొద్ది రోజులుగా నయనతార, అనుష్క ఆ ప్రయత్నం చేస్తున్నారు. ఇప్పుడు టాలీవుడ్‌లోకి మరో విజయశాంతి వస్తోందా? పాయల్‌ రాజ్‌పుత్‌ ప్రయత్నాలు చూస్తుంటే అదే అనిపిస్తోంది.
పాయల్‌ రాజ్‌పుత్‌ ప్రధాన పాత్రలో ‘5 డబ్ల్యూస్‌’ అనే సినిమా సిద్ధమవుతోంది. అన్నీ కుదిరితే వచ్చే సంక్రాంతికే ఈ సినిమాను ప్రేక్షకుల ముందుకు తీసుకురావాలని చూస్తున్నారు. ఇందులో పాయల్‌ పవర్‌ఫుల్‌ పోలీసు పాత్రలో కనిపించనుందని సమాచారం. ఎవరు? ఏమిటి? ఎప్పుడు? ఎక్కడ? ఎందుకు? అనే ప్రశ్నలకు సమాధానాలు తెలుసుకోవడమే సినిమా. అందులోనే కావాల్సినంత సినిమా చూపించేస్తారట. అయితే ఈ సినిమాలో మెయిన్‌ లీడ్‌గా పాయల్‌ను ఎంచుకోవడం ఇప్పుడు హాట్‌ టాపిక్‌. ‘ఆర్‌ఎక్స్‌ 100’ తర్వాత సరైన హిట్‌ లేకపోయినా ఆమెకు వరుస అవకాశాలు వస్తున్నాయి.
ఆ సినిమా తర్వాత ‘డిస్కో రాజా’లో మాత్రమే ఆమె ప్రతిభను తెలిపే పాత్ర పడింది. అలా ఇంకా ఇండస్ట్రీలో పూర్తిగా కుదురుకోకుండానే హీరోయిన్ ఓరియెంటెడ్‌ సినిమా పట్టేయడం అంటే మామూలు విషయం కాదు. మరి ఈ విషయంలో ఆమె రిస్క్‌ చేస్తోందా? లేక ఆమెను ఎంచుకొని నిర్మాతలే ఇబ్బంది పడతారా అనేది చూడాలి. అయితే పాయల్‌ను ప్రధానంగా చేసుకొని ప్రచారం చేసిన ‘ఆర్డీఎక్స్‌ లవ్‌’ బాక్సాఫీసు దగ్గర బోల్తాకొట్టిన విషయం తెలసిందే. అంతేకాదు ఆమె వల్ల నష్టపోయాను అంటూ నిర్మాత అన్న విషయమూ గుర్తుండే ఉంటుంది.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
