రీసెంట్ గా విడుదలయిన పెళ్ళిచూపులు సినిమా ఊహించని ఘన విజయాన్ని అందుకొంది. అటు యూత్ ఆడియన్స్ తో పాటు ఇటు ఫ్యామిలీ ఆడియన్స్ కు కూడా సినిమా కనెక్ట్ అవ్వడంతో మంచి వసూళ్లను సాధిస్తోంది. స్టార్ కాస్ట్ లేకపోయినా.. కంటెంట్ ఉంటే సినిమా హిట్ అవుతుందనడానికి ఈ సినిమా ఒక ఉదాహరణ అని చెప్పొచ్చు.
ఈ సినిమా మొదటి రోజుకి మంచి టాక్ రావడంతో శాటిలైట్ రైట్స్ కోసం పెద్ద పెద్ద ఛానెల్స్ క్యూ కట్టాయి. భారీ మొత్తాన్నే ఆఫర్ చేశాయి. చివరగా జెమిని టీవీ వారు సుమారుగా రెండు కోట్ల 35 లక్షలు చెల్లించి శాటిలైట్ రైట్స్ ను పొందారు. ఈ సినిమా బడ్జెట్ కోటి రూపాయల లోపే.. కేవలం శాటిలైట్ రైట్స్ తోనే డబుల్ ప్రాఫిట్ వచ్చేసింది. ఇక సినిమా కలెక్షన్స్ అదనపు లాభం.
