25 ఏళ్లుగా ‘పెళ్లిసంద‌డి’ సినిమా ప్రేక్షకులను అలరిస్తూనే ఉంది. ద‌ర్శ‌కేంద్రుడు కె. రాఘ‌వేంద్ర‌రావు గారు తెరకెక్కించిన ఈ చిత్రం అప్పట్లో ఇండస్ట్రీ హిట్ గా నిలిచింది. ఫుల్ రన్లో రూ.10 కోట్లు కలెక్ట్ చేసింది.మళ్ళీ శ్రీకాంత్ కొడుకు రోషన్ తో రాఘవేంద్ర రావు గారు ‘పెళ్లి సందD’ అనే చిత్రాన్ని రూపొందిస్తున్న సంగతి తెలిసిందే.గౌరి రోనంకి దర్శకత్వం వహిస్తున్న ఈ చిత్రానికి కీర‌వాణి సంగీతం అందిస్తున్నారు. రోషన్ సరసన శ్రీ‌లీల హీరోయిన్ గా నటిస్తుంది. ‘ఆర్కా మీడియా వ‌ర్క్స్‌’, ‘ఆర్‌.కె ఫిలిం అసోసియేట్స్’ బ్యాన‌ర్‌లపై మాధ‌వి కోవెల‌మూడి, శోభు యార్ల‌గడ్డ, ప్రసాద్ దేవినేని వంటి వారు కలిసి ఈ చిత్రాన్ని నిర్మిస్తున్నారు.
షూటింగ్ ఆల్రెడీ పూర్తయిపోయింది. ఇటీవల విడుదల చేసిన పాటలకు కూడా మంచి స్పందన లభిస్తోంది. కాగా త్వరలోనే ఈ చిత్రాన్ని ఓటిటిలో విడుదల చేయడానికి సన్నాహాలు చేస్తున్నారట దర్శక నిర్మాతలు. ఆహా లేదా అమెజాన్ ప్రైమ్ లో ఈ చిత్రాన్ని విడుదల చేసే అవకాశాలు ఉన్నాయని తాజా సమాచారం. ఆల్రెడీ ఆ సంస్థల నుండి మంచి ఆఫర్లు వస్తుండడంతో ‘పెళ్లి సందD’ టీం ఈ నిర్ణయం తీసుకున్నట్లు స్పష్టమవుతుంది. ఆగష్టు వరకు థియేటర్లు తెరుచుకునే పరిస్థితి ప్రస్తుతానికి అయితే కనిపించడం లేదు.
ఒకవేళ తెరుచుకున్నా చాలా సినిమాలతో పోటీ పడాల్సి ఉంటుంది. అయినా బిజినెస్ కూడా ఆశించిన స్థాయిలో జరుగుతుంది అన్న గ్యారెంటీ లేదు. ఇప్పుడైతే రూపాయికి రెండు రూపాయలు లాభం అన్నట్టు డీల్ వచ్చింది కాబట్టి.. ఓటిటిలో విడుదల చేయడమే కరెక్ట్ అని విశ్లేషకులు కూడా భావిస్తున్నారు.
Most Recommended Video
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!
