ఓహో.. మహాతల్లి పెళ్లిచూపులు

క్యూట్ చిత్రాలతో హాస్యాన్ని, సందేశాన్ని అందించే మహాతల్లి సినీ గ్లామర్ అద్దుకుంది. పెళ్లి చూపులు చిత్ర హీరో హీరోయిన్ల తో కలిసి సందడి చేసింది. విజయ దేవరకొండ, రీతూ వర్మ పెళ్లి ఫిక్స్ చేయడానికి గిరిజా రావు మ్యారేజ్ బ్యూరో సీఈవో గా అవతారమెత్తింది. ఈసారి కడుపుబ్బా నవ్వించడానికి మహాతల్లి “పెళ్లిచూపులు” అంటూ మనముందుకొచ్చింది.

ఈ చూపులు కలవని వేళ
మహాతల్లి టీమ్ పెళ్ళిచూపుల్లోనూ క్రియేటివిటీ చూపించి.. నవ్వులను పూయించారు. ప్రశాంత్ మొదటి సారి మీటయ్యే అమ్మాయి ఇంజినీరింగ్ ఫ్యాకల్టీ లా మాట్లాడుతుంటే బిక్కమొహం వేస్తాడు. తాను వెళ్ళింది పెళ్లి చూపులూకా? ట్యూషన్ కా అని అదిరి పడుతాడు. రెండో సారి కలిసే అమ్మాయి ఓహో.. అంటూ హొయలు పోతూ హడలెత్తిస్తుంది. మూడో పిల్ల అయితే తాగి తూగుతూ చుక్కలు చూపిస్తుంది. ఈ సన్నివేశాలు చెప్పడానికి సింపుల్ గా అనిపించినా, యూట్యూబ్ తెరపైన విజయ దేవర కొండ, జాహ్నవిల నటన ఆగకుండా నవ్విస్తాయి. ఇంకెందుకు ఆలస్యం.. మీరు కూడా చూసి హ్యాపీగా నవ్వుకోండి.

https://www.youtube.com/watch?v=roM7VkeIjxk