Niharika,Chaitanya: నిహారిక భర్తపై పోలీసులకు ఫిర్యాదు.. ఏమైందంటే?

గతేడాది డిసెంబర్ నెలలో మెగా డాటర్ నిహారిక, చైతన్య జొన్నలగడ్డకు ఘనంగా వివాహం జరిగిన సంగతి తెలిసిందే. పెళ్లి తర్వాత నిహారిక సోషల్ మీడియాలో యాక్టివ్ గా ఉండటంతో పాటు భర్తతో కలిసి దిగిన ఫోటోలను షేర్ చేస్తూ వార్తల్లో నిలుస్తున్నారు. అయితే తాజాగా నిహారిక భర్త చైతన్యపై బంజారాహిల్స్ పోలీస్ స్టేషన్ లో ఫిర్యాదు నమోదైనట్టు సమాచారం. అపార్ట్‏మెంట్ వాసులు చైతన్య న్యూసెన్స్ చేస్తున్నాడని ఆరోపణలు చేస్తూ బంజారాహిల్స్ పోలీసులకు ఫిర్యాదు చేసినట్టు తెలుస్తోంది.

మరోవైపు చైతన్య కూడా అపార్ట్‏మెంట్ వాసులపై పోలీసులకు ఫిర్యాదు చేయగా పోలీసులు ఫిర్యాదులపై విచారణ జరుపుతున్నారు. చైతన్యకు, అపార్ట్‏మెంట్ వాసులకు తీవ్రస్థాయిలో గొడవ జరిగిందని సమాచారం. అర్ధరాత్రి సమయంలో ఈ ఘటన చేసుకుందని తెలుస్తోంది. ఈ గొడవకు సంబంధించి పూర్తి వివరాలు తెలియాల్సి ఉంది. ఏ విషయంలో చైతన్య, అపార్ట్‏మెంట్ వాసులు గొడవ పడ్డారో తెలీదు కానీ నిహారిక అపార్టుమెంట్ లో రచ్చరచ్చ జరిగినట్టు సమాచారం. ప్రస్తుతం ఈ గొడవ గురించి సోషల్ మీడియాలో చర్చ జరుగుతోంది.

నిహారిక, ఆమె భర్త పెళ్లికి ముందు, పెళ్లి తర్వాత వివాదాలకు దూరంగా ఉన్నారు. అయితే తాజా ఘటన వల్ల మెగా ఫ్యాన్స్ కంగారు పడుతున్నారు. చైతన్య ఈ గొడవ గురించి స్పందించి వివరణ ఇస్తారేమో చూడాల్సి ఉంది. పెళ్లి తర్వాత నిహారిక వెబ్ సిరీస్ లలో నటిస్తూ బిజీగా ఉన్నారు. చైతన్య కూడా సినిమాల్లోకి వస్తారని ప్రచారం చైతన్యకు నటనపై పెద్దగా ఆసక్తి లేదని తెలుస్తోంది.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!