విడుదలకు ముందే సమస్యల సుడిగుండంలొ సుల్తాన్

తెలుగులో నటిగా స్టార్ డమ్ సంపాదించుకున్న ప్రతి ఒక్క హీరొయిన్ కి ఉండే కామన్ టార్గెట్ మిగతా భాషల్లోనూ పాపులర్ అవ్వాలని. అందుకే తెలుగులో మహేష్ బాబు, అల్లు అర్జున్ వంటి బడా స్టార్స్ తో నటించిన రష్మిక ఆల్రెడీ బాలీవుడ్ లో పాగా వేయడానికి అన్నీ సిద్ధం చేసుకోగా.. తమిళంలోనూ తన స్టార్ పవర్ ను విస్తరించే పనిలో పడింది. అయితే.. తమిళనాట ఆమె మొదటి సినిమా విడుదలకు కొత్త కష్టాలు వచ్చాయి.

కార్తీ సరసన రష్మిక నటించిన “సుల్తాన్” నిజానికి ఏప్రిల్ రెండో తారీఖున విడుదల కావాల్సి ఉంది. అయితే.. ఏప్రిల్ నుంచి తమిళనాట ఎలక్షన్ ఫీవర్ మొదలవ్వనుండడంతో సుల్తాన్ విడుదలను పోస్ట్ పోన్ చేయనున్నారు. తమిళంలో బడా స్టార్ల సినిమాలు ఆల్రెడీ పోస్ట్ పోన్ అవుతూనే ఉన్నాయి. శివకార్తికేయన్ తాజా చిత్రం “డాక్టర్”ను కూడా పోస్ట్ పోన్ చేసారు. అయితే.. మంచి అంచనాలు ఉన్న “సుల్తాన్” ఉన్నట్లుండి పోస్ట్ పోన్ అవ్వడం వలన తమిళనాట కూడా సెటిల్ అవ్వాలనే రష్మిక కలకు బ్రేక్ పడింది.

ఇకపోతే.. రష్మిక బాలీవుడ్ డెబ్యూ రెగ్యులర్ షూటింగ్ ఇటీవల మొదలైంది. సిద్ధార్డ్ మల్హోత్రా కథానాయకుడిగా నటిస్తున్న ఈ చిత్రం అనంతరం ఆమె అమితాబ్ బచ్చన్ తో స్క్రీన్ షేర్ చేసుకోనుంది. ఇలా టాలీవుడ్, కోలీవుడ్, బాలీవుడ్ లొ బిజీ అవుతూ వెళ్తున్న రష్మిక త్వరలోనే మలయాళంలోనూ నటించడానికి సన్నాహాలు చేసుకొంటోంది. ఆల్రెడీ నేషనల్ క్రష్ పొజిషన్ ను దక్కించుకున్న రష్మిక, ఇదే స్పీడ్ తో వరుస సినిమాలు చేస్తూ వెళ్తే నేషనల్ హీరోయిన్ అయిపోవడం ఖాయం.

Most Recommended Video

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!