Pooja Hegde: సెకండ్‌ ఇన్నింగ్స్‌లో బుట్టబొమ్మ కొత్త స్టెప్‌… దర్శకుడు ఎవరంటే?

టాలీవుడ్‌లో గోల్డెన్‌ లెగ్‌లు, ఐరెన్‌ లెగ్‌లు శాశ్వతం కాదు అంటుంటారు. ఈ విషయంలో మీకు ఏదైనా డౌట్ ఉంటే ఒకసారి పూజా హెగ్డే కెరీర్‌ను చూసుకోండి. తొలి సినిమాతో ఇటు తమిళంలో, అటు తెలుగులో సరైన గుర్తింపు అందుకోలేకపోయింది పూజ. ఆ తర్వాత బాలీవుడ్‌కి వెళ్లి అక్కడా అదే పరిస్థితి. అయితే అనూహ్యంగా తిరిగి సౌత్‌కి వచ్చేసి వరుస సినిమాలు, విజయాలు అందుకుంది. ఈ క్రమంలో ఆమెను కొందరు తొలుత ఐరెన్‌ లెగ్‌ అన్నారు, గోల్డెన్‌ లెగ్‌ అన్నారు. ఇప్పుడు మళ్లీ ఐరెన్‌ లెగ్‌ అంటున్నారు అనుకోండి.

తన మీద పడిన ఐరెన్‌ లెగ్‌ మచ్చను చెరిపేసుకోవడానికి పూజ ప్రయత్నాలు చేస్తోంది. ఈ మేరకు తన సెకండ్‌ (దాదాపుగా) ఇన్నింగ్స్‌ స్టార్ట్‌ చేసేసింది. ఫక్తు కమర్షియల్‌ సినిమాలు చేస్తూ పాన్‌ ఇండియా హీరోయిన్‌ అయిపోయిన పూజ… ఇప్పుడు సినిమాల విషయంలో అచితూచి అడుగులేస్తోందని ఆమె లైనప్‌ చూస్తే అర్థమవుతోంది. ఈ క్రమంలో హీరోయిన్‌ ఓరియెంటెడ్‌ కథను ఓకే చేసింది అని టాక్‌ వినిపిస్తోంది. అన్నీ అనుకున్నట్లుగా జరిగితే ఆ సినిమా తమిళంలో తెరకెక్కుతుంది.

గతేడాది ‘కిసీ కా భాయ్‌ కిసీ కీ జాన్‌’ అనే హిందీ సినిమాతో దారుణమైన పరాజయం అందుకుంది. అయితే మరో ప్రయత్నంగా రోషన్‌ ఆండ్రూస్‌ దర్శకత్వంలో యాక్షన్‌ థ్రిల్లర్‌ ‘దేవా’ అనే సినిమాలో నటిస్తోంది. ఈ సినిమాలో ఆమె షాహిద్‌ కపూర్‌కు జోడీగా నటిస్తోంది. అయితే ఆమెకు ‘కోబ్రా’ సినిమా ఫేమ్‌ అజయ్‌ జ్ఞానముత్తు ఓ కథ వినిపించారట.

ప్రస్తుతం ‘డిమోంటి కాలనీ 2’ సినిమా పనుల్లో బిజీగా ఉన్న అజయ్ పూజకు (Pooja Hegde) ఇప్పటికే కథ చెప్పారని టాక్‌. అన్నీ అనుకున్నట్లుగా జరిగితే ఆమె ప్రధాన పాత్రలో సినిమా త్వరలో మొదలవుతుంది. కెరీర్‌లో జోరు కష్టమే అనుకుంటున్న సమయంలో ఇలా హీరోయిన్‌ ఓరియెంటెడ్‌ రోల్‌ రావడం ఆసక్తికరమే. మరి కథేంటి, ఎలాంటి పాత్ర అనేది త్వరలో తెలుస్తుంది. అజయ్‌ జ్ఞానముత్తు ఆలోచనలు అయితే కొత్తగా ఉంటాయని ఇప్పటివరకు వచ్చిన సినిమాలు చూస్తే తెలిసిపోతుంది.

ఈ ఏడాది ప్రేక్షకుల్ని ఆకట్టుకున్న తెలుగు సినిమాలు!

ఈ ఏడాది వచ్చిన 10 రీమేక్ సినిమాలు… ఎన్ని హిట్టు.. ఎన్ని ఫ్లాప్?
ఈ ఏడాది ప్రేక్షకులు తలపట్టుకొనేలా చేసిన తెలుగు సినిమాలు!